عبدالمالک عاصم

	ښاغلي بيسټياني ژمنه وکړه چې د ترهگرو بريونو د کمېدو په موخه خپلو دوامداره هڅو ته دوام ورکړي

د امريکې د متحدو ايالتونو د سمندري ځواکونو يوه لوړ پوړي چارواکي اميرالبحر گيام بسټياني ويلي په افغانستان کې د نړيوالو ايتلافي ځواکونو په وړاندې ځان مرگي بريدونه يوه ننگونه ده.

چې دده په وينا پکې معمولا د تلفاتو کچه پکې لوړه وي . دغه امريکايي پوځي چارواکي په ډاگه کړې چې د ترهگرو د بمي بريدونو دمخنيوي لپاره چې تر ډېره يې په خپله جوړوي نوي گامونه اخيستي .

د سمندري ځواکونو دغه مشرپه دې وروستيو کې په افغانستان کې د ايتلافي ځواکونو نه لېد نه کړې او دهغوي پروړاندې پرتې ستونزې او ننگونې يې ارزولي دي .

ده په افغانستان او عراق کې د ترهگرو بريدونو دمخنيوي د ارزونې لپاره دکارپوهانو د يوې ډلې د لېږلو خبر هم ورکړ.

دافغانستان په سويل او سويل ختيځو سيمو کې ځان مرگي بريدونه ډېر شوي دي چې يوه ننگونه ده ايتلافي ځواکو نو چارواکي

او دداسې يوې ځانگړې ډلگۍ د جوړېدو خبريې ورکړ چې د ترهگرو پرلاس جوړ شوي ماينونه به شنډوي.

ښاغلي بيسټياني ژمنه وکړه چې په افغانستان کې به د ترهگرو بريونو د کمېدو په موخه خپلو دوامداره هڅو ته دوام ورکړي . خو داوس لپاره يې ددغو بريدونو د قربانيانو د شميرې د کمولو دهڅو يادونه وکړه .

دا څرگندونې پر داسې مهال کيږي چې دافغان دولت د مخالفينو بريدونه پرنړيوالو او افغان ځواکونو زيات شوي دي .يوازې کابل په تېره اونۍ کې د٤ ځان مرگو بريدونو شا هدوو چې په لسگونو کابل ښاريان افغان او بهرني ځواکونه پکې ټپيان او ووژل شول.