پاينده څرگند کابل

	د ناټومشر د جگړې له لومړيو ليکو سرتيرو ليدنه وکړه چې د څو اونيو راهېسى له طالبانو سره په جگړه بوخت و

د پنجوايي ولسوالۍ د پاشمول په سيمه کې وروسته له څو اونۍ جگړو،کاناډايي سرتيري ماين موندونکي توکي په لاس گرځي او غواړي هغه دامونه يا ماينونه او چاوديدونکي توکي ومو مي چې ښايي طالبانو له خپل تگ وروسته د بهرنيو ځواکونو لپاره د پنجوايي په پاشمول سيمه کې ترشا پرې ايښې وي. دغه سيمه څو ورځې وړاندې د طالبانو پياوړى مرکز و.

په داسې حال کې چې سرتيري جنرال ديوډ ريچارډ ته دکلکې جگړې لومړۍ کرښې ور ښيي، ددوى له پلونو سره گردجنه خاوره هوا ته پورته کيږي او سيمه تياره کوي.

د ميډيوسا يا سمندري ستوري پوځي عمليات ډېرلوى وو، سر بېره پر دې چې طالبان د خپلو تلفاتو دغه لوړې شميرې نه مني، خو د چارواکو په وينا په سلگونو طالبان د پلي، هوايي او توپچي بمباريو له کبله له خپلو ځايونو په شا شوي.

د سويل پوځي عمليات طالبانو ته په ماتې ورکولو کې دغه عمليات له ٢٠٠١ کاله راهيسې سارى نلري ناټو مشر جنرال ريچارډ

دغه عمليات نه يواځې په کندهار بلکې د بريتانويانو تر ولکې لاندې هلمند ولايت کې هم ستره آزموينه بلل کيږي. په زرگونو کسانو خپل کورونه پريښي او يواځې خپل سرونه يې له جگړه ځپلو سيمو وايستل . دوى د هلمند ولايت مرکز لشکرگاه کې پنډغالى جوړ کړى او ددوى ډير لږ شمير په دې آند دي چې جگړه د آوارۍ لار ده .

جنرال ريچارډ ته په بشپړ ډول معلومات ورکړل شو ل چې بريتانوي ځواکونو د طالبانود کلکو بريدونو په وړاندې څه کول،

څلورلکه شاجوره مرمۍ، ٣٥٠٠ آوانه او ٤٠٠ لاسي بمونه يې ډز يا کارولي کړي.

ښه نو جگړه کول گرانه چاره ده، خو د ناټو مشر قومندان چې په چورلکې کې د چورتونو په ټال کې بيرته کابل ته را ستنيږي،

خوشبين بريښي. ده په يوه ځاى کې مهمه جگړه گټلې، خو اوس له ډيرو نورو ننگونو سره مخامخ دى، سره بيره پردې چې په ډيرو نورو سيمو کې جگړ ييزي بوختياوې لري، دى بايد له ژمنې سره سم په د غه جگړه ځپلې سيمه کې د بيارغونې چارې پيل کړي اود خلکو ملاتړ تر لاسه کړي.