اسمعيل مياخيل مياخيل

	افغانستان جنوب کې نږدي ٥٠٠٠ برتانياوي پوځيان د ناټو تر مشرى لاندى عمليات تر سره کوى

پدې وروستو اوونېو کې طالب جنگياليو، ددوى په وړاندى روان پوځى عملياتو په غبرگون کې سخت مقاومت وښوده چې د هلمند ولايت ستراتيژيکې سيمي په خپله ولکه کې ونيسي.

د افغانستان د دفاع وزارت وايي چې په يوه نښته کې يي څلويښت طالب جنگيالي د هلمند ولايت په گريشک ولسوالې کې وژلې دي او په هوايي او ځمکنې بريدونو يي د دوي اډه ويجاړه کړې ده.

د ناټو ځواکونو وياند په تيرو څو ورځو کې د دوو نورو جلا پيښو معلومات هم خپاره کړل چې وايي درويشت طالب جنگيالي يي وژلې دي.

خو وسلوال طالبان وژل شوى کسان خپل ملگري نه بولې.

قارى يوسف احمدى چې ځان د طالبان وياند بولې اوښتى مرگ ژوبله د ولسى وگړو بولې او وايي چې ددوي کسان د کوم مقاومت سره نه دي مخامخ شوى.