د امريکا د دفاع وزارت د يو شمير هغو کسانو نومونه او تابعيتونه ښکاره کړل چې په گوانتانامو کې بنديان دي .

له بي بي سي سره په يوه مرکه کې دۀ دغه ځاى د متحدو ايالاتو پر ريکارډونو يو داغ وبالۀ . دۀ وويل د دغه زندان په باب د ملگرو ملتونو يوۀ وروستي رپوټ د دغۀ ځاى پر تابود يو بل ميخ ټکواهۀ .

د جمعې په ورځ د امريکا د دفاع وزارت د سلگونو هغو کسانو نومونه او تابعيتونه ښکاره کړل چې دوى يې په گونتانامو کې ساتي ، دا کار له دوى څخه تر هغې غوښتنې وروسته شوى دى چې د معلوماتو د ازادۍ له قانون سره سمه وه .

د بشري حقونو د څار ټولنې جنفر ډسکل وويل د نومونو دغې ښکارونې وښووله چې دغه کمپ د هغه څه لپاره نه دى چې ورته جوړ شوى دى :

(( په نيول شويو کسانو کې ايله په سلو کې ١٠ داسې دي چې د امريکا د استخباراتو د مرکزي ادارې مامورين يې د لوړې کچې کسان گڼي .

که تاسو دغه متنونه ولولئ نو د هغو کسانو کيسې لولئ چې په گوانتانامو کې ساتل شوي دي .

د دغو کسانو ډيره برخه د جگړې له ډگره ډير ليرې نيول شوي دي ، ډير يې د انعامونو لپاره نيول شوي ، ډير يې په پاکستان کې نيول شوي او داسې لږ شواهد شته چې وښيي دوى د لوړې کچې زندانيان دي چې د ترهگرو بريدونو د مخنيوي لپاره به ورسره د پام وړ معلومات وي . ))