|
په گوانتانامو کې له بنديانو سره چلند د کړولو بڼه لري | |||||||||||||||||||||||||||||||||||||||||||||||||||||||||||||||||||||||||||||||
بي بي سي په بېساري ډول په گوانتانامو کې له يوه بندي سره مرکه خپره کړې ده. فوزي ال اودا چې د خپل وکيل له لارې يې پوښتنې ځوابولې، په ډاگه کړه چې څه ډول بنديان په لويو څوکيو پورې تړل شوي او په زوره يې له ستوني نه لوى ټيوبونه ورتېر شوي دي. د امريکا د بهرنيو چارو وزارت يوه جگپوړي چارواکي د امريکا د حکومت له خوا د کړولو تور رد کړ. په يوه جلا پېښه کې د امريکا هغه نوى قانون چې پر ترهگرۍ د تورنو کړول بندوي، د لومړي ځل لپاره په محکمه کې وازمايل شو. دا قضيه په گوانتانامو خليج کې د يوه بندي محمد باوزير وکيلانو رامخته کړې وه. هغوى استدلال کوي چې له ده سره شوى چلند د کړولو بڼه لري. ښاغلى باوزير په يوې څوکۍ پورې تړل شوى او دمړولو لپاره يې په زور يو ټيوب په ستوني کې ورتېر شوى و. د وکيلانو دا نظر چې په زوره خواړه ورکول د کړولو مانا لري، د ملگرو ملتو د بشري حقونو کميسيون هم تاييد کړى دي. | ||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||