د هرات په پېښه کې لږ تر لږه ٥ کسان ووژل شول او په لسگونو نور ټپيان شو .

ښاغلي اسماعيل خان وويل په دو پېښو کې د هر څه امکان نه ردوي . د يوې پوښتنې په ځواب کې دۀ د گاونډيو هيوادونو لاس هم ممکن وبالۀ خو نور جزييات يې ورنه کړل .

د کابل دغۀ لوړ پوړي پلاوي ټينگار لارۀ چې د پېښې د اصلي دليل موندنې ته لا وخت شته دى .

په دغه پلاوي کې چې مشري يې د اوبو او برېښنا وزير او د هرات پخوانى والي اسماعيل خان کوي د ولسمشر کرزي دوه سلاکاران ښاغلى مهدي او ښاغلى سباون او د ولسي جرگې درې غړي هم شامل دي .

د ولسمشرۍ د دفتر يوۀ وياند بي بي سي پښتو وېبپاڼې ته وويل چې دغه پلاوى به په هرات کې د وضعې حالت څيړي او هڅه به کوي چې د کرارۍ په راوستلو کې مرسته وکړي .

د هرات په ولايت کې د بي بي سي د خبريال په وينا نن جمعه ( د سلواغې ٢١ د فبروري ١٠ ) کراري وه .

له کابله ورغلي د ملي پوځ په سلگونو سرتيري او ځايي امنيتي ځواکونه په واټونو گزمه کوي .

تيره شپه د ماښام له ٨ بجو وروسته په هرات ښار کې گرځبنديز و .

پرون سهار په هرات کې د نښتو له امله ٥ کسان ووژل شول او ٣٠ تنه نور پکې ټپيان شول .

امنيتي ځواکونه د هغه اخ وډب د کرارولو لپاره ورغلي وو چې د شيعيه گانو او نورو مسلمانانو ترمنځ د بېځايه شويو خلکو په يوه کمپ کې وشو.

نښتې په هرات ولايت کې ظاهرا" د عاشورا د يادونې پر مهال شوې دي.

د افغانستان نور خبرونه د دې ځاى په کېکاږلو ترلاسه کولى شئ