 | | | تړون د هرات په ښار کې لاسليک شو |
د افغانستان د لويديځ ولايت هرات والي سيد حسين انوري نن ( د لنيدۍ ١٦ د دسمبر ٧ ) د ايران د خراسان ولايت له والي محمدى زاده سره يو تړون لاسليک کړ چې د ايراني تلويزيون ترمخه د دغو دواړو سيمو ترمنځ د اقتصاد ، امنيت او کلتوري چارو په برخه کې د همکارۍ يادونه کوي ايراني غاړې د يوۀ سرحدي سوداگريز بازار او په هرات ښار کې د ايراني توکو لپاره د يوۀ مرکز د جوړولو وړانديز کړى دى . د ايران د مشهد تلويزيون په خپل رپورټ کې دا هم وايي چې دواړو غاړو د لوبو په ډگر کې د فعاليتونو د ډيرولو او د افغانستان د معدنونو په چارو کې د همکارۍ خبره کړې ده . د افغانستان د هرات او د ايران د خراسان ولايتونو واليانو د هرات والي په دفتر کې د ليدو پر وخت د دواړو هيوادونو ترمنځ د اړيکو د لا پراخولو غوښتنه هم وکړه . سم لاسي له افغان غاړې په دې باب څه نه دي ويل شوي . | 
غالب: د نشه يي توکو قاچاق کې چارواکي لاس لري
