مجددي د بيا پخلاينې د کميسيون مشر و او مشرانو جرگې ته د انتصابي غړي په توگه وټاکل شو

حضرت صبغت الله مجددي چې د ولسمشر حامد کرزي له خوا د يوۀ انتصابي غړي په توگه په مشرانو جرگه کې ځاى موندلى و اوس د دغې جرگې د ريس په توگه ټاکل شوى دى .

ښاغلى مجددي د بيا پخلاينې د کميسيون په توگه اوس دنده ترسره کوي . دى د مجاهدينو د حکومت لومړنى ولسمشر او د اسلامي جبهې د گوند مشر و .

بل پلو د ولسي جرگې د رياست لپاره هم هلې ځلې روانې دي او داسې ويل کيږي چې هلته هم د مجاهدينو درې مخکښه سټې په بر سر کې دي .

ښاغليو رباني ، سياف او قانوني غواړي چې د ولسي جرگې رياست خپل کړي .

وړاندې محمد محقق هم ځان کانديد کړى و خو اوس وايي چې مرستيالۍ ته يې زړۀ ښه کړى دى .

په ښځو کې ملالۍ جويا هم رياست ته ځان کانديد کړى دى چې د جنگسالارانو پر ضد يې يو ځل بيا د پارلمان تر پرانيستونکې غوندې وروسته خبرې وکړې .

ليکواله او شاعره صفيه صديقي او شکريه بارکزۍ هم کانديدانې دي .

د افغانستان په باب نور خبرونه د افغانستان له پاڼې تر لاسه کولى شئ