تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
لیکوال او شاعر فضل محمد پنهان د ۷۵ کلنو په عمر ومړ
- Author, عصمت بهیر
- دنده, بي بي سي کابل
لیکوال او شاعر استاد فضل محمد پنهان د ۷۵ کلنو په عمر ومړ. استاد پنهان له څه مودې راهیسې ناروغ و.
د نوموړي تر ۲۰ ډېر کتابونه چاپ شوي او یو شمېر نور یې ناچاپه پاتې دي.
فضل محمد پنهان د کندهار د عالي دارالمعلمین د پښتو څانګي پخوانی استاد و او نژدې پنځوس کاله یې په ښوونیزه او څېړنېزه برخه کې کار کړی.
د کندهار پوهنتون علمي مرستیال انجینیرشیر شاه رشاد وايي، د استاد پنهان د اثارو زیاته برخه د ادبي، علمي او فرهنګي مسایلو په اړه څېړنو ته بېله شوې ده.
'د استاد پنهان څېړنې، په ځانګړې ډول د سهیل لویدیځ زون لپاره د پښتو ژبې، متاخرینو او متاقدینو په اړه څېړنې، چې ځینې پرتلیزه توګه تر سره شوې دي. هغه واقعاً د ستاینې وړ دي. '
ښاغلي رشاد وايي، د ادبي تاریخ او تذکره لیکنې په برخه کې د پښتو ادب د بشپړتیا پروګرام لپاره د پنهان صاحب اثار ارزښتناک دي.
د کندهار د اطلاعاتو او فرهنګ ریاست چارواکي وايي، استاد فضل محمد پنهان به سبا د شنبې په ورځ سهار ١٠ بجې د کندهار پوهنتون د مشاهیرو په هدیره کي خاورو ته وسپارل شي.
فضل محمد پنهان، ۱۳۲۰ کال کې په کندهار کې زېږیدلی و. لومړنۍ زدکړې یې د کندهار په میرویس نیک لیسه کې کړې او لوړې زده کړې یې د کابل پوهنتون د بشري علومو په پوهنځي کې بشپړې کړې دي.
