تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
د انیل کپور لور سونم کپور له چا سره واده کوي؟
راوانه اونۍ کې د بالیووډ سېنما د نامتو ستوري انیل کپور د لور سونم کپور واده د هندي ورځپانو سرلیک دی.
له پخوا راهيسې په رسنیو کې د دوی د واده په هکله خبرې کېدې خو په دې اړه د سونم کپور کورنۍ او د هغې راتلوونکي د ژوند ملګري انند اهوجا په دې اړه هېڅ نه ویل. دا دی اوس همدا اوونۍ یاني د مئ پر اتمه د دوی دواړو واده دی.
سونم کپور ټول پېژني چې د هندي سېنما یوه بریالۍ لوبغاړې او د انیل کپور لور ده خو دا چې انند اهوجا څوک دی او له نوموړې سره یې لیده کاته کله او څنګه شوي ډېر کم خلک پوهېږي.
انند اهوجا څوک دی؟
انند اهوجا په اصل کې د ډېلي دی. نوموړی سوداګر دی او د کالیو یو مشهور برانډ لري.
د انند نېکه هم د هند یو له لویو واردوونکو سوداګرو دی چې کلنۍ ګټه يې درې زره کروړه ده.
سونم کپور او انند اهوجا لومړی ځل په ۲۰۱۴ کال کې سره لیدلي.
