تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
په سعودي کې د هالیووډ فلم
لومړنی فلم د هالیووډ ډېر عام شوی فلم بلک پنتر «تور پړانګ» و چې ټکټونه یې په څو دقیقو کې وپلورل شول. هغه سینما چې دا فلم یې وښود په سعودي کې د سلګونو سینماوو له ډلې څخه یوه ده چې ټاکل شوې په څو راتلونکو کلونو کې پرانستل شي.
دا د هغو ټولنیزو او اقتصادي خیالولو تکلونو یوه وروستۍ بېلګه ده چې د سعودي ځواکمن ولیعهد رامخ ته کړي دي. په څلوېښتو کلونو کې دا لومړنی فلم د جمعې ماښام د سیمه ییز وخت پر اتو بجو او دېرشو دقیقو نندارې ته ووت.
د اوس له پاره یواځې یوه پرده ده او د ورځې به یو ځل فلمونه ښيي او یواځې کورنۍ یې نندارې ته ورتللی شي.
خو له دې سره سره دا په دغې خورا محافظه کاره ټولنه کې د ټولنیزو بدلونو پر لور یو بل ګام دی. او مهمه دا چې دا د ولسي بوختیا د هغو امکاناتو بیا پرانيستل دي چې مخکې هر هغه څه ته ګواښ بلل کېده چې د سعودي له نامه سره یې تړاو درلود.
اسلامي ادارو چې په سعودي کې یې د چلند د خورا کلک دود له اړولو سره د کلونو کلونو له پاره مخالفت کړی و، اوس له یوې مخې د خپلو خبرو بڼه اړولې ده.
د فلم تر پیلېدو وړاندې د کوکاکولا یو اعلان راغی چې یوه ښځه په کې په موټر چلولو ښودل کېده او دا یو بل هغه لوی بند کار و چې ددې ۳۲ کلن ولیعهد په مشرۍ ترې بندیز پورته شو.
د تور پړانګ فلم چې په سعودي کې د لومړۍ نندارې له پاره غوره شوی او یو ځوان شهزاده په کې د خپل هېواد د بدلون هڅه کوي، په سعودي کې هرومرو بې پاملرنې پاته شوی نه دی.
