سندرغاړو له فلسطین نه د ملاتړ په موخه اسراییلو کې خپل کنسرتونه لغوه کړي

د نیوزیلنډ مشهوره سندرغاړې لرد وايي، داسې یو لیک یې د خپلو مینه والو له خوا تر لاسه کړی چې له امله به یې په اسراییلو کې خپل کنسرټ ترسره نه کړي.

دا لیک د یو یهودي او یو فلسطیني لخوا لیکل شوی چې پکې راغلي، اسراییل کې د دې ډول کنسرټ جوړول د اسراییلو په لاس د فلسطین د اشغالولو د ملاتړ په معنا دي.

د دغې نیوزیلنډۍ سندرغارې کنسرت ښايي د جون په میاشت کې ترسره شي.

په دغه لیک کې د لرد دوو مینه والو ترې غوښتي چې په خپلې پرېکړې له سره غور وکړي.

اسراییل او ترکیه یو بل په ترهګرۍ تورنوي

د عراق او اسراییل د ښکلا ملکو ګډ انځور غوغا جوړه کړه

'' د بیت المقدس دفاع ته له سر او ماله تېر یو''

جاستن سکس چې یو یهودي دی او نادیا ابو شنعب چې یو فلسطیني دی ویلي، په تل ابیب کې د دې ډول کنسرټ جوړول د خلکو ترمنځ بېلابېل ناسم تعبیرونه خپروي.

هغوی ویلي، که لرد په دې کنسرټ کې سیاسي اړخ ته هېڅ نظر هم و نه لري، خو بیا هم دا کنسرټ د اسراییلو له سیاست نه د حمایت په معنا دی.

دې نیوزیلنډۍ سندرغاړې له خپلو مینه والو مننه کړې چې په وینا یې د هغوی ټولو نظرونو ته به پام کوي.

له دې مخکې هم ډېرو سندرغاړو له فلسطین نه د ملاتړ په موخه په اسرییلو کې خپل کنسرټونه لغوه کړي دي.