تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
مصرۍ سندرغاړې د "فحشا خپرولو" په تور ونیول شوه
مصري سندرغاړې په ویډیویي موسیقي کې د کالیو پر ځای د زېرجامې د اغوستلو او د داسې خوځېدا له امله چې تېراېستونکې او پاروونکې بلل شوې یوه اونۍ بندي شوه.
د مصر پولیسو د نومبر پر ۱۸ د شیما احمد په نوم دا سندرغاړې نیولې ده.
۲۵ کلنه شیما احمد په هنرۍ نړۍ کې په شیما پېژندل کېږي.
د زه ستونزې لرم ویډیويي سندره یې چې د شهواني عشق منځپانګه لري په مصر کې د ځینې خلکو غوسه پارولې ده.
مصر تر ډېره دودپالې ټولنه بلل کېږي.
شیما احمد له هغو کسانو بښنه غوښتې چې دا ویډیو یې نامناسبه بللې ده.
هغې په یوه فیسبوکي تبصره کې چې وروسته پاکه شوې لیکلي و: فکر مې نه کاوه چې داسې پېښه به وشي او زه به له هر لوري له سختو بریدونو سره مخ شي.
په دې ویډیو کې سندرغاړې له یو شمېر ځوانانو سره په یوه ټولګي کې لیدل کېږي.
هغه د درس په دغه ټولګي کې د تورې تختې مخ ته ولاړه ده چې پر لیکلي " Class #۶۹" .
دا په پاروونکي ډول مڼه، کیله او چېپس خوري.
دا صحنه د سندرغاړې له هغه انځور سره مونتاژ شوی چې زېرجامه یې په تن ده.
د مصري رسنیو د رپوټ له مخې د شیما له نیول کېدو دوه ورځې وروسته لویې څارنوالۍ د هغې د بند موده تر یوې اونۍ اوږده کړه.
د رپوټ له مخې د ویډیو د لارښود جلبولو امر هم شوی دی.
تېر کال هم د مصر محکومو یوه نڅاګره د ویډیويي کلېپونو له لارې "د فحشا خپرولو" په جرم په شپږ میاشتني بند محکومه کړه.
