تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
امریکې، بریتانیې او فرانسې سور سمندر کې د حوثیانو د لسګونو ډرون ویشتلو ادعا کړې
د امریکا، بریتانیا او فرانسې ځواکونو ویلي چې د یمن په سواحلو کې یې د ایران په ملاتړ د حوثيانو یو لړ بریدونه په شا تمبولي دي.
د امریکا پوځ ویلي چې د شنبې په سهار لږ تر لږه ۲۸ بې پیلوټه الوتکې (UAVs) د سره سمندرګي په اوږدو کې نسکورې شوې دي.
د ایتلافي ځواکونو ترڅنګ، متحده ایالاتو وویل چې دا په "لویه کچه" برید "د سوداګریزو کښتیو لپاره یو احتمالي ګواښ" له ټاکلو وروسته شوی دی.
حوثيانو ویلي چې دوی یوه سوداګریزه کښتۍ (پروپیل فورچون) او یو شمېر امریکايي ویجاړوونکې بېړۍ په نښه کړي دي.
د امریکا د مرکزي قوماندې په یوه بیان کې ویل شوي چې د امریکا او ایتلافي ځواکونو کوم پوځي وسیلې ته زیان نه دی رسېدلی او د سوداګریزو کښتیو د زیان راپور نه دی ورکړل شوی.
له تېرې نومبر میاشتې راهیسې، حوثیانو په سور سمندر او د عدن په خلیج کې په کښتیو بریدونه کړي چې د دوی په وینا دا په غزه کې د اسرائیلو د جګړې پرمهال له فلسطینیانو سره د پیوستون کمپاین دی.
د بریتانیا د دفاع وزیر ګرانټ شاپس وویل چې شاهي سمندري ځواک ریچمنډ د جمعې په شپه د حوثیانو دوې ډرون الوتکې نسکورې کړې دي.
ښاغلي شاپس وویل: "بریتانیا او زموږ متحدین به د ژوند ژغورلو او د بېړیو د آزادۍ ساتلو لپاره اړینو ګامونو پورته کولو ته دوام ورکړي."
د دفاع وزارت وویل چې نړیوالو متحدینو د حوثیانو د بې پیلوټه الوتکې برید "په بشپړ ډول شنډ کړ".
د فرانسې جنګي بېړۍ او جنګي جیټ الوتکو هم څلور بې پیلوټه الوتکې ویشتلې دي.
دغه ماموریت د ریښتیني باور په نوم د کارګو کښتۍ د ساتنې په موخه پیل شوی چې د چهارشنبې په ورځ د توغندي له برید وروسته وتښتول شوه.
دا لومړی ځل دی چې د حوثیانو د بریدونو له پیلېدو راهیسې درې ماڼوګان - دوه فیلیپینیان او یو ویتنامی - وژل شوي دي.
دا د حوثیانو د بریدونو تر ټولو لوی هغه ګڼل شوی دی.
د پایلې په توګه، له سور سمندر څخه کار اخیستونکې کښتۍ د اروپا او آسیا ترمنځ د سویز کانال کارولو پرځای د سوېلي افریقا چم ګاونډ ته سوق کړل شوې دي چې ورسره لګښتونه زیات شوي او احتمالي نړیوال اقتصادي خطر هم ورسره رامنځ ته کېدونکی دی.
