تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
د شیاومي برېښنايي موټر؛ په یوه ساعت کې ۳۵۰ کیلومتره سرعت لري
له شیاومي ډوله سپورتي موټره لومړی ځل پرده پورته شوه، چې په درې ماشینونه لري او په یوه ساعت کې تر ۳۵۰ کیلومترو پورې د سرعت وړتیا لري.
دغه موټر لا هم خپل ازمايښتي پېر کې دی، خو د چمتو کوونکي شرکت شیاومي مشر لی جون وايي، چې دا چټک او برېښنايي موټر به راتلونکی کال بازار ته وړاندې کړي.
دا سي یو ۷ ماډل به بازار ته د الټرا په نوم وړاندې شي.
دا موټر درې برېښنايي ماشینونه لري چې ټولټال ۱۵۴۸ هارس پاور قوه یا ځواک لري.
د سي یو ۷ تر ټولو ډېره چټکتیا په یوه ساعت کې تر ۳۵۰ کیلومترو پورې رسېدای شي او دغه راز یې په یو اعشاریه ۹۷ ثانیو کې د ماشین سرعت له صفره تر ۱۰۰ کیلومترو پورې رسېدای شي.
شیاومي وايي، د دې موټر د ماشین چټکتیا په شپږو ثانیو کې له صفر څخه ۲۰۰ کیلومتره په ساعت کې رسېږي.
د موټر ماشین په بشپړه توګه د کاربن فایبر څخه جوړ شوی او له همدې امله دا ۱۹۰۰ کیلو ګرامه وزن لري، او د سي یو سېون عادي ماډل پرتله ۵۰۰ کیلوګرامه سپک دی.
شیاومي پلان لري، چې په دوو میاشتو کې د دې موټر په مټ د جرمني په نوربرګ رینګ کې د څلورو دروازو موټرونو ریکارډ مات کړي.
په نوربرینګ کې د څلور دروازو موټرو اوسنی ریکارډ د پورش ټیکان جی ټي ټوربو سره دی، چې ویې کولی شو په اوو دقیقو، اوو ثانیو او د ثانیې ۵۵ برخې کې خپل کړي.
شیاومي شرکت چې په نړۍ کې د خپلو ګرځنده تلیفونونو او د کور وسایلو له کبله مشهور دی په ۲۰۲۱ کال کې یې پریکړه وکړه چې برېښنایي موټر تولید کړي.
یاد موټر څو میاشتې وړاندې د چین بازار ته وړاندې شو او ویل کېږي، چې پلور یې ډېر ښه دی.
د سي یو سېون تر ټولو ارزانه ماډل ۳۰ زره ډالره ارزښت لري.
د جاپانیانو یووالی
د موټرو تولیدونکو شرکتونو نیسان او هونډا اعلان کړی، چې د خپلو تولیداتو نوې بڼې لپاره د سافټویرونو او ټیکنالوژۍ جوړولو برخه کې په ګډه کار کوي.
دې دوو شرکتونو له میتسوبیشي سره یو هوکړه لیک لاسلیک کړی، چې د برېښنايي ماشینونو په برخه کې له دې شرکت سره مرسته وکړي.
د هونډا، نیسان او میتسوبیشي یووالی په نړیوالو بازارونو کې د دې دریو شرکتونو ننګونو ته یو ځواب دی.
د هونډا مشر توشي هیرو میبه د نیسان له مشره سره په ګډه خبري غونډه کې وویل:
"هغه پېر کې، چې موږ یوو د سولې پېر ورته نه شو ویلی، خو د وړاندوینې وړ پېر نه دی. که موږ د پخوا په څیر مخ ته لاړ شو نو بیا به د نړۍ په کچه سیالي ونه شو کړی. له همدې امله، د دغو دریو شرکتونو ترمنځ همکاري په اوسني چاپیریال کې د سیالۍ لپاره یوه پیاوړې وسله ده."
د موټرو بریښنایي کولو سره د موټر جوړونکو بریا د سافټویرونو کېفیت پورې تړلې ده، چې د موټر بېلابېلې برخې کنترولوي.
د موټر جوړولو دا پېر د "سافټویر محوره ماشینونو" پېر بلل کېږي.
