تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
د عکسونو ګالري: د مصر لوی موزیم ځینې برخې نندارې ته پرانیستل شوې
مصر کې د لرغونو اثارو تر ټولو لوی او بډای موزیم چې د نړۍ لروبر یې ګڼ خلک پرانیستل کېدو ته سترګې په لار دي، د ځینو ګالریو دروازې خلکو ته پرانیستې دي.
د مصر لوی موزیم جیزا اهرام ته نږدې پر ۱۲۰ هکتاره ځمکه جوړېږي او له تېرو شلو کلونو راهیسې پرې کار روان دی.
دغه موزیم کې به د پاچا 'توت عنخ امون' له قبره د ترلاسه شوې خزانې په ګډون تر ۱۰۰ زرو ډېر اثار نندارې ته ایښي وي.
د دغه ځوان-پاچا اړونده ګرانبیه ټولګه لا تر اوسه نندارې ته نه ده وړاندې شوې، خو لیدونکي کولی شي له فرعوني مجسمو رانیولې تر ډبرینو تابوتونو او مومیایي جسدونو بېلابېل اثار وګوري.
په پیل کې ټاکل شوې وه چې د مصر لوی موزیم په ۲۰۱۲ کال کې پرانیستل شي، خو لګښتونه، سیاسي ناکرارۍ او وروسته یې د کوویډ-۱۹ وبا یو په بل پسې د ځنډ لامل شو.
تر اوسه پر دې لویې پروژې له یو میلیارد ډېر ډالر لګول شوي.
دلته مو یې د نویو پرانیستل شویو ګالریو ځینې په زړه پوري عکسونه راټول کړي دي.
