آرش پاکطين له کابله

	د رسمي شمېرو له مخې همدا اوس په افغانستان کې ٤ ميليونه خلک گرځنده ټيلېفون لري .

پر دغه پروگرام لس ميليونه امريکايي ډالره لگښت راځي چې پيسې يې د افغانستان د مخابراتو وزارت د پراختيايي له بوديجې څخه ورکول کېږي .

رسمي شمېرې ښيي چې دا مهال په افغانستان کې د ورځې ٥٠٠ زره تنه د انټرنټي اسانتياوو نه گټه اخلي .

د افغانستان د ټولو ولايتونو په مرکز کې به د انټرنټ او ډيجيټل ټيلېفوني شبکو ته د دوو چينايي کمپينو پر مټ پراختيا ورکړل شي .

د افغانستان د مخابراتو د وزارت مرستيال وزير بريالي حسام د دغه تړون د لاسليکونو پر مهال وويل پر دغه پروگرام لس ميليونه امريکايي ډالره لگيږي چې پيسې د دغه وزارت له پراختيايي بوديجې نه ورکول کېږي .

په افغانستان کې دا مهال د ځينو شخصي کمپنيو له لوري د د انټرنټ شبکه د دغه هېواد د ځينو ولايتونو مرکزونو ته غزول شوې، خو د ولايتونو ولسواليو او ښارگوټو ته د دغو شبکو د پراختيا لپاره اوس هم گڼ شمېر خلک سترگې په لاره دي .
ښاغلى حسام وايي د افغانستان په ولايتونو کې انټرنټي چارې محدودې دي .

دى وايي:'' له اوسه ٦ کاله وړاندې د پلازمېنې کابل په گډون د افغانستان ډېرى اوسېدونکي د ټيلېفون لپاره گاونډي هېواد پاکستان ته تلل، خو په دې وروستو کې د مخابراتي شبکو پر مټ دغه ستونزه په بشپړه توگه له منځه تللې ده .

همدا اوس په افغانستان کې څلور ميليونه خلک گرځنده ټيلېفون لري اود رسمي شمېرو له مخې نژدې ٥ سوه زره افغانان د ورځې له انټرنټه گټه اخلي.

د راپورونو له مخې په افغانستان کې نژدې يو مليارد امريکايي ډالره د مخابراتود پراختيا په برخه کې پانگونه شوې او تر دې دمه يې د دغه هېواد په سلو کې اتيا استوگن ځايونه تر خپل پوښښ لاندې راوستي دي .