په روان ٢٠٠٨ کال کې د افغانستان په گڼو سيمو کې د ناټو ترمشرۍ لاندې نژدې ٢٣ بهرني سرتېري وژل شوي .

په کابل کې د ايساف ځواکونو يوې وياندې ډوډويل خبري رسنيو ته د پکتيکا په ولايت کې د خپلو دوو سرتېرو د وژل کېدو خبر ورکړى .

ويانده زياتوي چې دغو دوو وژل شوو سرتېرو د پولينډ تابعيت درلود.

خو د پولنډ ددفاع وزارت په يوه خبر پاڼه کې ويلي چې په پکتيکا ولايت کې يې دوه سرتېري وژل شوي دي .

خبرپاڼه زياتوي چې دغه پېښه د پکتيکا له مرکز ښرنې سره نژدې شوې ده، چې په سيمه کې ددوى ځواکونه د گزمې پرمهال وو.

پولنډ په افغانستان کې د ناټو ترمشرۍ لاندې شاوخوا ١٢٠٠ سرتېري لري، چې ډېرى يې په ختيځ ولايتونو، په ځانگړې ډول پکتيکا کې مېشت دي .

په روان ٢٠٠٨ کال کې د افغانستان په گڼو سيمو کې د ناټو ترمشرۍ لاندې نژدې ٢٣ بهرني سرتېري وژل شوي .

د يادونې وړ ده، چې په تېر ٢٠٠٧ز کال کې د افغانستان په بېلابېلو سيمو کې شاوخوا٢٢٢ بهرني سرتېري وژل شوي وو.