په افغانستان کې تر اوسه د کاناډا تر ٧٠ ډير سرتيري وژل شوي دي

کاناډا په کندهار کې سرتيري ليري او په دې وروستيو کې يې گواښ کړى دى چې که نور هيوادونه ورسره مرسته ونه کړي نو خپل ځواکونه به وباسي .

تر اوسه چا خپل ځواکونه نه دي ايستلي خو داسې ويره ده چې که دا کار وشي نو پايلې به يې په افغانستان کې د ناټو تړون ته خطرناکې وي .

فرانسې داسې ښوولې چې گواکې له کاناډا سره به مرسته وکړي خو تر اوسه پورې يې ټينگ هوډ نه دى ښوولى .

دا خبرې په داسې وخت کې کيږي چې د ناټو د دفاع وزيران په دويمه پرله پسې ورځ د ليتوانيا په پلازمېنه ويلنيس کې پر افغانستان د خبرو لپاره ټول شوي دي .

متحدو ايالاتو او برتانيا د دغې غونډې په برخه والو غږ کړى دى چې د وسله والو طالبانو پر ضد جگړې ته سرتيري ورکړي .

له ٢٠٠١ کال څخه تر اوسه پورې په افغانستان کې د کاناډا تر ٧٠ ډير سرتيري وژل شوي دي .