ارش پاکطين له کابله

	اطلاعات او کلتور وزارت د ځينو رسنيو له لوري هغه خپاره شوي راپورونه ناسم گڼي چې گواکې د افغانستان د حج او اوقافو وزارت د بيان د آزادۍ پر وړاندې محدوديتونه وضع کړي دي.

د غه وزارت له هغه وروسته غبرگون ښيي چې د افغانستان د حج او اوقافو وزارت په رسمي ډول له انځوريزو او غږيزو رسنيو غوښتي وو چې د جمعې د لمانځه د خطبو د ثبتولو لپاره دې له دوى سره چارې همغږې کړي.

ځينو رسنيو دغه غوښتنه د بيان د ازادۍ پر وړاندې محدوديتونه گڼلي وو خو د افغانستان د اطلاعات او کلتور وزارت دغه ادعاوې بې بنسټه گڼي.

''د دغه وزارت چارواکي وايي هر خبريال د جوماتونو د آدابو اواخلاقو په مراعاتولو سره کولاى شي په آزاده توگه خپلې چارې تر سره کړي.''

د افغانستان د اطلاعات او کلتور وزارت د ځينو رسنيو له لوري هغه خپاره شوي راپورونه ناسم گڼي چې گواکې د افغانستان د حج او اوقافو وزارت د بيان د آزادۍ پر وړاندې محدوديتونه وضع کړي دي.

د افغانستان د حج او اوقافو وزارت ويلي و چې د جمعې د لمانځه د ادا کولو پرمهال د ښه نظم او د جوماتونو د چاپېريال د خوندي ساتلو لپاره دې رسنۍ له هغوى سره خپلې چارې همغږې کړي.

ځينو رسنيو دغه غوښتنه د بيان د ازادۍ پر وړاندې محدوديتونه گڼلي وو خو د افغانستان د اطلاعات او کلتور وزارت وايي له قانوني محدوديتونو پرته بل هېڅ داسې څه دوى ته د منلو وړ نه دي چې د رسنيو پر ازادۍ اغېز وشيندي.

د دغه وزارت سلاکار نجيب منلي بي بي سي ته وويل د حج اوقافو د وزارت دغه غوښتنه د رسنيو پر وړاندې محدوديت نه گڼل کيږي .

ده وويل:'' د اطلاعات او کلتور وزارت په هيڅ ډول هغه محدوديتونه نشي منلى چې د قانون په چوکاټ کې نه وي راغلي، يوازنى محدوديت چې موږ منو هغه دادى چې څو ک چې د لمانځه لپاره جومات ځي هغو لپاره ځينې اصول او اخلاق دي چې پر ټولو لمونځ کونکو لازم دي او خبريالان چې جوماتونو ته ځي بايد دغو اصولو ته پاملرنه وکړي.''

د افغاني دود خلاف پروگرامونه  د افغانستان د علماوو شورا يوشمېر غړي په دې گومان دي چې ځينې ټلويزيونونه داسې پروگرامونه خپروي چې ښوونيز نه بلکې د دوی په وينا له اسلامي او سيمه ييزو دودونو سره په ټکر کې دي خو دغه ادعاوې تل د رسنيو د چارواکو له لوري رد شوې دي. د افغانستان د علماوو شورا

د افغانستان د حج او اوقافو د وزارت د جوماتونو د برخې مشر شير محمد ابراهيمي وايي د دوى دغه خبرې په ځينو رسنيو کې تحريف شوى او يا هم ناسمې خپرې شوې، د ښاغلي ابراهيمي په وينا دوى داگام په جوماتونو کې د ښه نظم د رعايتولو په نيت پورته کړى نه دا چې د رسنيو مخه ونيسي. که له يوې خوا د حج او اوقافو د وزارت وروستيو غوښتنو ته افغان چارواکي په درنه سترگه گوري خو له بل لوري يې گڼ خبريالان انديښمن کړي دي.

افغان ورځپاڼه ليکونکى فضل الرحمن اوريا د حج او اوقافو د وزارت وروستۍ غوښتنه د بيان د آزادۍ پر سر يو گوزار گڼي.

دى وايي:''په تيرو پنځو کلونو کې د افغان حکومت د پام وړ يوه لاسته راوړنه د رسنيو په ډگر کې بې کچه پرمختگ گڼل کيږي.''

څه موده وړاندې د افغانستان د عالمانو شورا د دغه هېواد د اطلاعات او کلتور له وزارته غوښتي وو چې پر انځوريزو رسنيو دې خپل کنټرول لا ډېر کړي او په ټلويزيونو کې دې د بهرنيو پروگرامونو د خپرېدو مخه ونيسي.

دغې موضوع د ځينو رسنيو او حکومتي چارواکو ترمنځ ډېر بحثونه را وپارول.

د افغانستان د علماوو شورا يوشمېر غړي په دې گومان دي چې ځينې ټلويزيونونه داسې پروگرامونه خپروي چې ښوونيز نه بلکې د دوی په وينا له اسلامي او سيمه ييزو دودونو سره په ټکر کې دي خو دغه ادعاوې تل د رسنيو د چارواکو له لوري رد شوې دي.