په ٢٠٠١ کال کې د طالب واکمنۍ له نړيدو راهيسته ملا عمر پټ دى

ملا عمر چې په ٢٠٠١ کال کې د طالب رژيم له نسکوريدو راهيسته پټ دى په خپله ليکلې اعلاميه کې د موسى کلا نيول نړيوالو ځواکونو او افغان پوځ ته برى نۀ بلکې د دۀ په وينا د هغوى د ناکامۍ ښکارندوى بولي .

طالب مشر وايي نړيوالو ځواکونو او افغان پوځ د دۀ په وينا يوازې د موسى کلا مرکز نيولى دى او نوره ولسوالي د طالبانو په لاس کې ده .

ملا عمر گواښنه کړې چې سږ کال به په ژمي کې هم وسله وال طالبان جگړې ته دوام ورکوي .

دۀ له اسلامي هيوادونو غوښتي چې په افغانستان او عراق کې د بهرنيو ځواکونو د وتلو لارې ولټوي .

موسى کلا تيره اوونۍ افغان پوځ د نړيوالو ځواکونو په مرسته ونيوله .

تر هغې وړاندې دغه ولسوالي تر څو مياشتو پورې د وسله والو طالبانو په لاس کې وه .