محمد جعفر هاند په کابل کې

	افغانستان سږکال د درېيم پرلپسې کال لپاره د نړۍ د نشه يي توکو تر ټولو لوى توليدوونکى شو

دغه ليده کاته د پاريس تړون (پاريس پکټ) د اوومې غونډې په ترڅ کې ترسره کيږي.
دپاريس تړون د اسيايي او اروپايي هيوادونو څخه جوړ هغه گډ تړون دى چې له اسيا څخه اروپا ته د نشه يي توکو د مخنيوي او کنټرول پرموخه کار کوي.

دپاريس تړون په ٢٠٠٣ زيږديږ کال کې د اروپا او نړيوالو پوليسو پرمټ د نشه يې توکو د قاچاقو د مخنيوي د ښولارو چارو د موندنې پرموخه جوړ شوى دى.

ټاکل شوې چې د دغه تړون دوه ورځنۍ اوومه ناسته به د چهارشنبې په ورځ په پلازمينه کابل کې پيل شي. غونډه د اسيا او اروپا هيوادونو دنشه يې توکو د ادارو د٥٦ تنو لوړ پوړويو غړيو په کچه ترسره کيږي.

له اسيا څخه اروپا ته د نشه يي توکو دقاچاق مخنيوى او د يادو شوو توکو دنړيوالې تقاضا ټيټول د غونډې دبحث اصلي موضوع گانې بلل کيږي. د نشه يي توکو پر وړاندې د مبارزي وزارت وياند زلمى افضلي وايي افغانستان هيله لري چې دغونډې پريکړې تش د کاغذ پر مخ پاتې نه شي، بلکې په وينا يې عملې بڼه هم غوره کړي.

هغه وويل: ''زموږ غوښتنه دا ده چې د نوې ټکنالوژۍ د اکمالاتو له اړخه د نشه يي توکو پر وړاندې دمبارزې په برخه کې له افغان پوليسو سره د پرمختللو وسايلو مرسته وشي.
په نړيواله ټولنه کې د نشه يي توکو د تقاضا د ټيټولو په برخه کې دې عملي گامونه واخيستل شي. داسې غونډې ډېرې ترسره شوى موږ وايودغونډوپريکړې دې نورې تش د کاغذ پر مخ نه پاتې کيږي، بلکي دغونډې وروسته عملي چاري ترسره شي.''

په همدې حال کې د نشه يي توکو پروړاندې د مبارزې وزارت د اروپايي ټولنې هغه غوښتنه چې د کوکنارو کښت ته دې په افغانستان کې قانونې بڼه ورکړل شي هم رد کړه.
افغان چارواکو له نړيوالې ټولنې غوښتې چې دکوکنارو د کروندو د اړولود کمپاين پر مهال دې له افغان حکومت سره د مرستې لاسونه وغځوي.

چارواکي وايي دم گړۍ د دغه هيواد په ١٣ولايتونود کوکنارو د کښت د اوړلو کمپاين جريان لري.

په تېرو دريو کلونوکې افغانستان په نړۍ کې د نشه يې توکو تر ټولو ستر توليدونکى هيواد شوى دى.