حنان حبيبزى له کابله

	دولسمشر وياند د ښاغلي ضيا نظر د هغه شخصي فکر وباله او وېويل چې د افغانستان په کابينه کې په کلکه د هغه څه مخالفت شوى دى چې د کوکنارو پر کښتونو دزهرجنودرملو شيندل بلل کيږي.

د ولسمشرحامد کرزي يولوړپوړي وياندوويل ، د مخنيوي لار يې داده چې بهر ته يې د قاچاقولو مخه ونيول شي .

وياند له خبريالانو سره په ناسته کې له نړيوالې ټولنې وغوښتل چې د افغان پوليسو د روزنې لپاره گامونه گړندي کړي چې د پولو امنيتي حالت پياوړى شي.

په دې وروستيو کې امريکايي چارواکو وويل چې د نشيي توکو د کرکيلي د مخنيوي يوه لار داده چې پر کروندو زهرجن توکي وشيندل شي .

دولسمشر حامد کرزي لومړي مرستيال احمد ضيا مسعود هم په يوه مرکه کې ويلي دي چې دنشيي توکو پر کروندو دې زهرجن توکي وشيندل شي .

په افغانستان کې زياتېدونکى بحث روان دى چې څه ډول د نشيي توکو راتلونکي توليدات راټيټ کړى شي .

ددې سره سره چې په افغانستان کې د نشيي توکو په وړاندې هڅې په نړيواله کچه پراخې دي، د تير کال پايلې يې له ناکامۍ سره مخامخ شوې .

افغانستان د نړۍ د ترياکو د ستر توليدونکي په توگه پر ځاى پاتې دى اود څو پرله پسې کلونو راهيسې د نړۍ ترگردو ډير ترياک توليدوي .

تيره اونۍ ملگرو ملتونو ديو راپور د خپرولو له لارې اعلان وکړ چې افغانستان د نړۍ ٩٣ په سلو کې نشيي توکي توليدوي .

يو شمير امريکايي چارواکو د راپور له خپراوي وروسته غبرگون وښود او وېويل چې دنشيي توکو د توليد د مخنيوي يوه لار داده چې پر کښتو يې زهرجن درمل وشيندل شي .

په دغه خبري ناسته کې د افغانستان ددولت وياند دغه وړانديز رد کړ اوله کروندگرو سره يې پر اقتصادي مرستو ټينگار وکړ .

همايون حميد زاده وويل چې د بديل کښت په توگه د زعفرانو توليد ته بايد بازار وموندل شي :

خودافغانستان د حکومت ترمنځ هم د نشيي توکو دتوليد د مخنيوي پر لارو چارو اختلاف راولاړ دى .

د ولسمشر حامد کرزي مرستيال احمد ضيا مسعود په يوه مرکه کي د هغه وړانديز ملاتړ کړى چې د کوکناروپر کښتونو د زهرجنو درملو دشيندلو غوښتنه کوي .

دولسمشر وياند د ښاغلي ضيا نظر د هغه شخصي فکر وباله او وېويل چې د افغانستان په کابينه کې په کلکه د هغه څه مخالفت شوى دى چې د کوکنارو پر کښتونو دزهرجنودرملو شيندل بلل کيږي.