عبد الصمد روحاني لشکرگاه

	د هلمند په نښتو کې دناټو ځواکونو يو گاډى هم ويجاړ شوى، خو وسله وال طالبان وايي چې دوى د ناټو سرتېرو ته مرگ ژوبله اړولې ده

د هلمند ولايت له بيلا بيلو سيمو څخه دافغان، نړيوالو ځواكونو اووسله والو طالبانو ترمنځ ددرنو جګړو رپوټونه وركړل شوي.

د ناټو په مشرۍ ايساف ځواکونه وايي چې په هلمند ولايت کې يې د طالبانو يوتن مهم قوماندان ويشتلى.د ناټو ځواكونو له مطبوعاتي دفتر څخه په خپرې شوې خبرپاڼه كې ددغه طالب قوماندان نوم قاري فيض محمدښودل شوى دى.

خبرپاڼه زياتوي، چې دوى دقيق راپور ترلاسه کړى، چې قاري فيض محمد تېره اونۍ دهلمند په عملياتو كې مړ ياټپي شوى د ى.

كه څه هم په خبرپاڼه كې دعملياتو ددقيق ځاى په اړه څه نه دي ويل شوي، خوتيره اونۍ په ګرشك او موسى كلا ولسواليو كې دطالبانو اوناټو ترمنځ درنې جګړې شوي وې.

دطالبانو يو وياند قاري يوسف احمدي وايي چې دقاري فيض محمد په نامۀ قوماندان نه لري. دى پر ناټوځواكونو تور لګوي چې ګواكې عادي طالبانو ته دلوړ پوړو قوماندانانو نوم وركوي.

بلخوا، د هلمندپه كجكي ولسوالۍ كې دوسله والو طالبانو اوافغان سرتيرو ترمنځ په يوې نښته كې دوه افغان سرتيري وژل شوي.

د هلمند امنيه قوماندان مل پاسوال محمدحسين انډيوال وايي چي جګړه هغه مهال وشوه چي حكومتي سرتيري دطالبانو له يوه كمين سره مخامخ شول.

بل پلو دناټو ځواكونه وايي چي دهلمند په ګرشك ولسوالۍ كې يي يو ګاډى دسړك دغاړي دماين په يوه چاودنه كې ويجاړشوى.

په هلمند كې دناټو ځواكونو يوۀ وياند چارلي مايو خبريالانوته ويلي چي په ګاډي كې سپرو سرتيرو ته زيان نه دى اوښتى.

وسله وال طالبان وايي چي ماين ددوى لخوا ښخ كړل شوي و اوادعاكوي چي په ګاډي کې سپرو سرتيروته مرګ ژوبله اوښتې ده.

هاخوا په فراه ولايت كې وسله والو طالبانو افغان او ايتلافي ځواكونوته دجاسوسۍ په تور يو افغان وژلى دى. وسله وال طالبان وايي دغه تن يې دفراه رود په ولسوالۍ كې وروسته له هغه وواژه چې هغۀ پر خپل 'جرم' اعتراف وکړ.

دترلاسه شوو رپوټونو له مخې دروانې ميلادي مياشتې له پيل څخه دافغانستان په سويل اومركزي ولايتونو كې وسله والو طالبانو ١٣ تنه حكومت او نړيوالو ځواكونوته دجاسوسۍ په تور وژلي دي.

له دغه شمير څخه اوه تنه په كندهار اوپاتي نور يي په غزني ولايت كې وژل شوي دي.