کونړ د افغانستان په ختيځ کې يو له نارامو ولايتونو څخه دى

د ناټو ځواکونو يوه خبرپاڼه وايي سرتېرى يې په پېچ دره ولسوالۍ هغه مهال ووژل شو چې د وسله والو طالبانو په کمين کې پرې د سپکو وسلو ډزې وشوې.

وژل شوى سرتېرى د يوې عادي گزمې غړى و چې په سيمه کې گرځېده.

د وژل شوي سرتېري هويت نه دى په ډاگه شوى.

کونړ د افغانستان په ختيځ کې يو له نارامو ولايتونو څخه دى.

دلته په وروستيو کې پر بهرنيو ځواکونو د حکومت د وسله والو مخالفينو بريدونه زيات شوي دي.