الياس وحدت له خوست څخه

	د پکتيکا په ولايت کې په دې وروستيو کې څو ځلې د طالبانو پر ضد ناټو عمليات کړي و

تر اوسه پورې د وژل شوي سرتيري په باب معلومات نشته چې د کوم هيواد اوسيدونکى دى .

ناټو عمومآ تر هغو د وژل شويو سرتيرو په باب څه نه وايي چې د هغوى هيوادونه پرې خبر ورنه کړي .

د افغانستان په سويل ختيځو ولايتونو کې تر ډيره ځايه د متحدو ايالاتو ځواکونه ځاى پر ځاى دي .

دا په نژدې ٤٨ ساعتونو کې دويمه ورته پېښه ده چې په افغانستان کې د ناټو سرتيرو ته مرگ ژوبله اړوي .

پرون د کندهار په ولايت کې د ناټو په قومانده کې پر دنده بوخت شپږ کانادايي سرتيري او د هغوى يو افغان کارکوونکى وژل شوي و .

د افغانستان په سويل ختيځو ولايتونو کې د ناټو يوۀ وياند جگړن کورکي بي بي سي ته وويل چې دغه ډول چاودنې د دۀ په وينا د طالبانو ضعف ښيي .

جگړن کورکي په دې باور و چې گواکې طالبان د مخامخ جگړې وس له لاسه ورکړى دى او اوس يې چاودنو او ځانمرگو بريدونو ته مخه کړې ده .

د ځينو رپوټونو تر مخه د ٢٠٠٧ کال په ترڅ کې شاوخورا ٧٠ بهرني ځواکونه په افغانستان کې وژل شوي دي .