ولايتي شوراگانې: ټاکنې او ارزښت يې

د ټاکنو هنگامه په افغانستان کې توده ده، خو پام ډېر پر ولسمشرۍ راټول دى او ولايتي دا يې له خلکو هېرې کړې دي.

ټاکل شوې ده راى ورکوونکي د ولسمشر تر څنگ خپل ولايتي استازي هم په هماغه ورځ وټاکي چې دا اوونۍ ورته د نوماندانو تبليغاتي هلې ځلې پيل شوې. قانون، ولايتي شوراگانو ته په سيمه ييزو چارو کې د مشورې ونډه ټاکلې خو د څارنې واک يې ترې اخيستى دى. د شوراگانو ځينې مخالفين وايي چې د هغوى شتوالى اضافي دى او په تېره لسيزه کې يې کوم گټور کار نه دى ترسره کړى. نور بيا د هغوى لا پياوړتيا غواړي او وايي چې د هېواد جوړونه د سيمو له جوړونې او سمونې پيلېږي.

د پنجشنبې پر ماښام له تاسې اورو چې:

ولايتي شوراگانو ته ستاسې په سيمو کې په څه نظر کتل کېږي او ونډه يې څنگه ښه کېدلى شي؟ خلک د دغو شوراگانو په غوره کولو کې څنگه ښه ښکېل شي؟

د پنجشنبې پر ماښام خپرونې ته زنگ راووهئ، پر دې شمېره:

0044 207 436 09 19

او يا پر فيسبوک راته خپل نظرونه پرېږدئ.