تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
داعش ډله وايي، جلال اباد کې پر طالبانو بریدونه دوی کړي
داعش ډله وايي، تېره شنبه او یکشنبه جلال اباد کې پر طالبانو دوی بریدونه کړي.
د دغې ډلې اړوند اعماق خبري اژانس وايي، د دوی خراسان څانګې وسله والو دې بمي بریدونو کې ۳۵ طالبانو ته مرګژوبله اوښتې ده.
د داعش ډلې په وینا دوی د شنبې پر ورځ د طالبانو موټر په جلال اباد ښار کې اووه ځایه بېلا بېل بمي بریدونه کړي دي.
تر اوسه په دې هکله د طالبانو غبرګون نه دی لیدل شوی.
د یکشنبې پر ورځ هم دغې ډلې پر هغه پک اپ ډوله موټر بمي برید کړی چې طالبان پکې ناست وو.
له دې مخکې په رپوټونو کې ویل شوي وو، چې د جلال اباد ښار دې بریدونو کې درې طالبان وژل شوي دي.
عیني شاهدانو له دې بریدونو وروسته روغتون ته د یو شمېر لېږدول کېدونکو ټپیانو لیدلو خبره کړې وه.
داعش ډلې له دې مخکې د کابل هوايي ډګر په څنډو کې د هغه خونړي برید مسوولیت منلی و، چې تر ۱۷۰ پورې ملکی خلک او ۱۳ امریکايي پوځیان پکې ووژل شول.
