تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
طالبان د ۲۰ او حکومت د ۱۰ سرتېرو د وژل کېدو خبره کوي
وسلوال طالبان د افغانستان شمال کې د بغلان ولایت مرکز پل خمري کې د شلو سرتېرو د وژلو ادعا کوي.
ځايي يچارواکي مني چې پر دوو پوستو د وسلوالو طالبانو په برید کې لس افغان سرتېري وژل شوي دي.
د بغلان والي عبدالحۍ نعمتي د بي بي سي خبریال محفوظ ذبیدي ته وویل، چې وسلوالوطالبانو تېره شپه د جنورۍ پر ۳ د پلخمرۍ ښار په دریمه ناحیه کې دا برید کړی دی.
د هغه په خبره، په برید کې طالبانو ته هم مرګ ژوبله اوښتې خو کره شمېر یې نه لري.
خو د طالبانو ویاند ذبیح الله مجاهد رسنیو ته استولې اعلامیه کې وايي، چې په دې برید کې د دوی یو وسلوال وژل شوی دی.
دا ډله وايي، چې په برید کې یې د افغان ځواکونو پوسته نیولې ده او درې موټر او سپکه درنه وسله یې هم ولجه کړې ده.
وروستیو کلونو کې د افغان امنیتي ځواکونو او طالبانو ترمنځ بغلان کې ډېرې نښتې شوې دي.
وسلوالو طالبانو څو ځلې د دغه ولایت د ولسوالیو واک خپل کړ.
