تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
کابل کې هوايي ډګر ته نژدې "ځانمرګی برید ۱۴ کسان وژلي"
امنیتي سرچینې وايي نن کابل کې د حامد کرزي هوايي ډګر ته نژدې ځانمرګی په لسګونو کسانو ته مرګ ژوبله اړولې ده. چاودنه څو شېبې وروسته له هغه شوې چې د افغان ولسمشر لومړی مرستیال عبدالرشید دوستم له ترکیې هېواد ته ستون شو چې الوتکه یې په همدې هوايي ډګر کې کښېناسته.
د کابل د امنیه قومندانۍ ویاند حشمت ستانکزی وايي په ځانمرګي برید کې ۱۴ کسان وژل شوي او څه باندې ۵۰ نور ټپیان دي.
د ښاغلي ستانکزي په وینا ځانمرګی بریدګر پلی و او د هوايي ډګر له دروازې سره یې ځان پورې تړلي چاویدونکي توکي وچول.
ښاغلی ستانکزی وایي چاودنه هغه مهال شوې چې د ښاغلي دوستم لېږدوونکی ګاډی له سیمې تېر شوی و.
د برید مسولیت تر اوسه کومې ډلې نه دی منلی او دا هم نه ده معلومه چې آیا برید د ښاغلي دوستم له ستنېدو سره تړاو درلوده که نه.
له پېښې لږ وروسته اخیستل شویو عکسونو کې ښکاري چې په قربانیانو کې ملکي او پوځي کسان شته.
د حکومت او وسله والو طالبانو ترمنځ د لنډمهالي اوربند تر پای ته رسېدو وروسته دا دوهم لوی برید دی چې ګڼ خلک پکې وژل کېږي.
یوه اوونۍ وړاندې د کابل ښار د شپږمې امنیتي حوزې اړوند د کلیو او پراختیا وزارت په لومړۍ دروازه کې ځانمرګی برید وشو چې پکې لږ تر لږه ۷ کسان ووژل شول او ۱۵ نور ټپیان شول. په دې برید کې هم ځانمرګی بریدګر پلی و.
