تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
وسله والو طالبانو د بغلان ولايت تاله او برفک ولسوالي نيولې ده
د افغانستان په شمال ختيځ کې د بغلان چارواکي وايي وسله والو طالبانو د دغه ولايت تاله او برفک ولسوالي نيولې ده.
د بغلان ولايت د پوليسو وياند ذبيح الله شجاع وايي، دغه ولسوالي د سختې جګړې په ترڅ کې د سه شنبې مازديګر مهال د طالبانو لاس ته ولوېده.
د نوموړي په وينا د مرګ ژوبلې په اړه کره معلومات نشته.
د ښاغلي شجاع په وينا وسله والو طالبانو له څه مودې راهيسې هڅه کوله چې د تاله او برفک ولسوالي ونيسي او دې ځای ته تلونکي پلونه يې نړولي وو چې له امله يې امنيتي ځواکونه دغې ولسوالۍ ته نشوای لېږل کېدلی.
بله خوا د بغلان ولايتي شورا رئيس اسدالله شهباز هم دغه خبر تائيد کړی خو وايي له سيمې سره تيليفوني اړيکي پرې شوې دي.
په دې وروستيو کې وسله والو طالبانو د کابل او افغانستان په بېلابېلو برخو کې بريدونه زيات کړي چې درنه مرګژبله يې اړولې ده.
دغه غرنۍ ولسوالي د بغلان- باميانو پر لویه لار پرته ده چې د او ستراتېژيک موقعيت له امله مهمه بلل کېږي.
