تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
"د کندهار شاوليکوټ کې پوليو پېښې د نړۍ له هرې بلې ولسوالۍ ډېرې دي"
د ملگرو ملتونو د بشري چارو همغږې کوونکى "توبي لېنزر" اندېښنه څرگنده کړې چې په دې وروستيو کې په کندهار کې د پوليو پېښې ډېرې شوي دي.
د ښاغلي لېنزر څرگندونې په داسې حال کې مخې ته راځي چې د افغانستان په سوېل، سوېل ختيځ او د پلازمېنې کابل په ختيځو سيمو کې د ماشومانو گوزڼ ضد واکسين نوى کمپاين پيل شوى.
ښاغلي لينزر د يوې وينا پاڼې په خپرولو ويلي " د کندهار په شاوليکوټ ولسوالۍ کې د پوليو پېښې د نړۍ د هرې بلې ولسوالۍ پر تله ډېرې دي، او دې حالت سلگونو زرو نورو ماشومانو ته خطر پېښ کړى."
د نوي کمپاين په ترڅ کې به ٥.٥ ميليون ماشومان چې عمرونه يې له پنځو کلونو کم وي د افغانستان په هغو سيمو کې واکسين شي چې په کې د ماشومانو د گوزن خطر ډېر دى.
دغه څلور ورځينى کمپاين چې د ډسمبر پر ١٨ پيل شوى، د روغتيا نړېوالې ادارې، افغان روغتيا وزارت او د يونيسف له لوري په گډه تر سره کېږي.
د کمپاين په ترځ کې به واکيسن کوونکي ماشومانو ته د پوليو ضد څاڅکو ورکولو لپاره کور په کور گرځي.
د روغتيا نړېواله اداره سپارښتنه کوي هغه کورنۍ چې ماشومان يې نه دي واکسين شوي بايد هغوى روغتيايي مرکزونو ته بوځي.
د گوزڼ پېښې
افغانستان، پاکستان او نايجريا د نړۍ درې هغه هېوادونه دي چې د ماشومانو د گوزڼ پېښې په کې ثبت شوي دي.
قبايلي سيمو کې د پوليو ضد پروگرام مسوول ډاکټر نديم جان وايي په پاکستان کې له ١٩٩٤ م کاله وړاندې هر کال له ٢٠ تر ٢٥ زره ماشومان گوزڼ وهل، چې د واکسين کمپاين له پيلېدو سره دا شمېر په پام وړ کچه ټيټ شو.
ښاغلي نديم جان له بي بي سي سره په مرکه وويل، په ٢٠١٦ م کال کې د گوزڼ پېښو شمېر شا وخواه ٢٠ ته ټيټ شو.
افغانستان کې سږ کال تر اوسه د پوليو ١٢ پېښې او په پاکستان کې ٧ پېښې ثبت شوي دي.
ډاکټر نديم جان وايي د پوليو درملنه نشته، نو يوازينۍ لاره د دغه ناروغي مخنيوى دى چې ماشوم ته د پوليو ضد څاڅکو د ورکړې له لارې کېږي.ېښې
