د عکسونو البوم: کابل کې د طالبانو ځانمرګي بریدونه

دې لپاره چې انټرنېټ مو لږ مصرف شي، یوازې متن ولولئ
    • Author, اسحق انیس
    • دنده, عکاس

د کابل په بېلابېلو سیمو کې د طالبانو خونړیو چاودنو او نښتو په ښار کې یوځل بیا چوپتیا خپره کړې وه. طالبانو د ښار په لوېدیځ کې د پولیسو پر یوې حوزې او د ښار په ختیځ کې پر یوه امنیتي مرکز بریدونه وکړل چې لږترلږه ۱۶ کسان یې ووژل.

کابل کې برید

د عکس سرچینه، Ishaq Anas

د عکس تشریح، د کورنیو چارو وزارت ویاند نجیب دانش بي بي سي ته وویل، لومړی دوو ځانمرګو برید کوونکو پر شپږمې حوزې برید پیل کړ
کابل کې برید

د عکس سرچینه، Ishaq Anas

د عکس تشریح، د ښاغلي دانش په وینا، یو موټربم برید د پولیسو د مرکز په دروازه کې وشو او بیا دویم بریدګر له امنیتي ځواکونو سره په نښتې بوخت شو
کابل کې برید

د عکس سرچینه، Ishaq Anas

د عکس تشریح، دانش زیاتوي، دویم بریدګر په نښته کې ووژل شو
کابل کې برید

د عکس سرچینه، Ishaq Anas

د عکس تشریح، کابل کې د دواړو بریدونو د وژل شویو شمېر ۱۶ او د ټپیانو شمېر شاوخوا ۵۰ کسان وو
کابل کې برید

د عکس سرچینه، Ishaq Anas

د عکس تشریح، د کابل پولیس وايي، پر شپږمې امنیتي حوزې برید کې ۱۵ کسان وژل شوي او نژدې ۵۰ کسان ټپیان دي چې ډېری یې ولسي وګړي دي.
کابل کې برید

د عکس سرچینه، Ishaq Anas

د عکس تشریح، د کورنیو چارو وزارت مرستیال ویاند وايي، طالبانو د کابل ختیځ (احمد شاه بابا مېنه) کې پر شپږمې امنیتي حوزې له برید سره هم مهاله، د ملي امنیت پر یوه مرکز برید وکړ.
کابل کې برید

د عکس سرچینه، Ishaq Anas

د عکس تشریح، امنیتي سرچینې وايي، په دې برید کې هم یوه بریدګر له چاودېدونکو توکو ډک موټر پر مرکز جنګولی او دویم بریدګر له ساتونکو سره نښته کړې ده
کابل کې برید

د عکس سرچینه، Ishaq Anas

د عکس تشریح، طالبانو د دواړو بریدونو پړه ومنله، چې په وینا یې کابل کې یې پر درو ځایونو بریدونه وکړل: شپږمه امنیتي حوزه، ختیځ کې د امنیت پر مرکز او د پوځ د جلب او حذب پر مرکز