د افغانستان ولسي جرګې غړی فکوري بهشتي چاودنه کې ټپي شوی
د عکس سرچینه، Fakori FB
د افغانستان په پارلمان کې د بامیان د خلکو استازی سید جمال الدین فکوري بهشتي نن سهار (جدي/مرغومي ۸مه) په کابل کې په یوې چاودنه کې ټپي شوی دی.
نوموړي نن سهار د کابل ښار په لویدیځه څنډه دشت برچي سیمه کې له خپل زوی سره یوځای په نښه شو.
د افغانستان د ولسي جرګې رییس عبدالرووف ابراهیمي د پارلمان عمومي ناستې ته د وینا پرمهال وویل؛ ښاغلی بهشتي او زوی یې تر ټپي کېدو وروسته کابل کې د ملي امنیت روغتون ته رسول شوي دي.
ښاغلی بهشتي د حزب وحدت اسلامي افغانستان غړی دی او په پارلمان کې دوه ځلې د بامیانو د خلکو استازی پاتې شوی.
یوه اونۍ وړاندې کابل کې د افغانستان پارلمان د یوه بل وکیل معلم میرولي پر کور د طالبانو په برید کې اووه کسان ووژل شول.
د عکس سرچینه، Javed Omid FB
