تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
روسیې له ۴۷ کلونو وروسته سپوږمۍ ته توغندی ور وتوغاوه
روسیې له نږدې نیمې پېړۍ وروسته د سپوږمۍ ځمکې (سطحه) ته توغندی وروتوغاوه.
روسیه هڅه کوي له نورو هېوادونو مخکې د سپوږمۍ سویل قطب ته ځان ورسوي او غواړي لومړنی هغه هېواد شي، چې د سپوږمۍ نا څېړل شوې برخه کې کار پيل کړي.
د روسیې لونا- ۲۵ توغندی له پلان سره سم د دې هېواد په ختیځ کې له ووستوچني فضايي اډې څخه وتوغول شو.
داسې انګېرل کېږي، چې د سپوږمۍ په سویلي قطب کې د اوبو زیرمې شتون لري.
د روسیې یاد فضایي توغندی به د هند له چندریان - ۳ سره سیالي وکړي.
هند هم تېره میاشت د سپوږمۍ پر لور خپل توغندی چندریان - ۳ وتوغاوه، چې دمګړۍ د سپوږمۍ شاوخوا ګرځي.
د هند یاد توغندی به د روانې اګست میاشتې په ۲۱مه د سپوږمۍ پر ځمکه کښېني.
هندي چارواکو د دې اوونۍ په پیل کې ویلي و، چې چندریان - ۳ به د اګست میاشتې په ۲۳ مه د سپوږمۍ پرځمکه کښته شي.
