ایران د طالبانو 'غیر مسلکیتوب' د پولې اوږدو کې د دوې میاشتې مخکینۍ شخړې لامل بللی
د عکس سرچینه، Getty Images
د ایران بهرنیو چارو وزارت یوه لوړپوړي چارواکي د پوله ساتنې په هکله د طالبانو پوله ساتونکو نابلدتیا په دا وروستیو کې د طالبانو او ایران، پاکستان او ترکمنستان پوله ساتو ځواکونو تر منځ د پولو اوږدو کې د شخړو لامل بللی.
د یادونې ده، چې نژدې یوه میاشت مخکې د افغانستان نیمروز ولایت سره د ایران - سیستان پر پوله د طالبانو او او ایراني پوله ساتونکو تر منځ نښته وشوه، چې د طالبانو حکومت او ایران د بهرنیو چارو وزارتونو یې لامل ناسم پوهاوی وباله.
تازه د ایران بهرنیو چارو وزارت کې د لویدېځې اسیا چارو عمومي مشر رسول موسوی پر خپله ټویټر پاڼه لیکلي : ''د دې نښتو لامل پر پوله د ځای پر ځای شویو طالبانو پوله ساتونکو غیر مسلکیتوب او د پولې او پولې له چارو سره نابلدتیا ده. ''
طالبانو تر اوسه په دې هکله څه نه دي ویلي، خو مخکې طالبانو په یوه ویډیويي رپوټ کې ویلي و، چې د طالبانو حکومت دفاع وزیر مرستیال فاضل مظلوم له ایران سره د افغانستان پولې سیمې لیدو ته ورغلی و.
په ورته مهال د طالبانو بهرنیو چار وزارت ویاند عبدالقهار بلخي د ځینو ځايي رسنیو هغه رپوټونه رد کړي چې وايي، د افغانستان او ترکمنستان پر پوله د طالبانو او ترکمنستان پوله ساتونکي تر منځ نښته شوې.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای
د افغانستان او ایران تر منځ پولې اوږدو کې له دې مخکې هم د غیر قانوني کډوالۍ، مخدره توکو او اوبو وېش په څېر مسایلو له کبله ناندرۍ راپورته شوې دي.
د پولې کره حدود او د وچکالۍ له کبله د اوبو نشتوالي ستونزه هم داسې مسایل دی چې له کبله یې د افغانستان او ایران پولې اوږدو کې کله نا کله تاوتریخوالی ډېر شوی.
