اجمل فطرت

	رستم په بې پروايۍ په سړک منډې وهلې ، چې موټر وواهه او خبره يې روغتون ته ورسېده.

له دې ځايه واورﺉ!

رستم بازار ته په تلو خوښ نه و، ځکه له نسيم سره يې دمنډو دسيالۍ لپاره تياری نيوه. دلارې په اوږدوکې يې له ثرياوغوښتل، چې ورسره منډې ووهي.

ثريا دلارې دخرابوالي له امله منډوته زړه ښه نکړ، رستم خپل مخ دثرياپه لورکړاو دشا په لور منډې وهل يې پيل کړل.

څوقدمه لا نه و تللی، چې له يوه غوايي سره له ټکرنه ثريا وژغوره. څوشېبې وروسته دواړه بازارته ورسېدل.

رستم پرته له دې، چې دسړک دواړو خواووته وګوري،هماغه شان په منډوله سړک نه تېرېده، چې يوه موټر وواهه اوپښه يې ورماته کړه.

درستم دوی يوه ګاونډي پېښه وليده اوهغه يې په بيړه روغتون ته ورساوه، چې ډاکترانويې پښه پلسترکړه.

درستم مور دثريااو رستم د ځنډله امله ډېره وارخطاشوه، غوښتل يې، په هغوی پسې بازارته ولاړه شي، چې پدې مهال يې ګاونډي رستم په شا راوړ.

	ثريادلارې دخرابۍ له امله منډوته زړه ښه نکړ، خورستم دشا په لوري منډې پيل کړې.

درستم مورپه ژړا پيل وکړ. ثريا هغې ته درستم ټوله کيسه وکړه. څو ورځې و وروسته، چې پښه يې يوڅه ښه شوې وه، رستم دکلي دميدانۍ په لور ولاړ.

هلته يې خپل انډيوالان وليدل، چې دځغاستې لوبې يې کولې. رستم په لوبه کې دګډون دنه کولو له امله ډېرخواشينی شو.

هغه پخپلو کړنوډېرپښېمانه و او له ځان سره يې هوډ وکړ، چې په راتلونکې کې به له سړک نه دتېرېدوپرمهال له ډېراحتياط نه کار اخلي.