اسما کاکړ

	تردې دمه (۱۴) زره ډوله مېږيان په نړۍ کې پېژندل شوي دي.

له دې ځايه واورﺉ!

شمسيې دتروم په وهلو پرده دار راوغوښت او خبره يې له هغه سره شريکه کړه. پرده دار دشعر په ويلو پرده کش اوهغوی ته يې جادويي چشمې ورکړې.

ماشومانوپه چشمو کې دمېږيانوژوندله نېږدې ننداره کړ او ويې لېدل، چې دمېږيانوښکرونه دهغوی له مغزوسره نېغې اړيکې لري.

پرده دار وويل، چې مېږيان دښکرونوپه واسطه يو له بل سره روغبړ کوي، خپله لار پرې مومي او ترڅنګ يې دبويولولپاره ترې کار اخلي.

ماشومانو ترځمکې لاندې دمېږيانوکور وليد، چې کوڅې، کوڅې و او راز، راز مېږيان پکې اوسېدل.

يوډول مېږيانوغټې ژامې درلودلې، چې هغوی غنم مېده اوساتل يې. يوډول نورويې بيا له کورنه دباندې دخاورو ډېرۍ جوړولي.

هغوی پدې ډېرۍکې دمرخېړيو په څېر يو څه کرل، چې تر رسېدلو وروسته يې ټولول اوکورته يې لېږدول.

	مېږيان دخپلوښکرونوپه واسطه يوتربله روغبړ کوي او ځانته پرې لار مومي.

يوبل ډول مېږيانو دکورپه ور کې د سربازۍ دنده درلودله، چې پردي مېږيان ددوی داوسېدوځای ته له ننوتلو منع او له مينځه يې وړل.

پرده دار وويل، چې تردې دمه (12) زره ډوله مېږيان په نړۍ کې پېژندل شوي او په افريقاکې داسې مېږيان هم شته، چې غوښه خوري اودومره قوي دي، چې پيل له پښو غورځوي.

دنري شمال په لګېدودخپرونې وخت پای ته ورسېد، پرده له ماشومانوسره خدای پاماني وکړه اوپرده يې بېرته کش کړه.