احمد، فاطمې او پرده دار پرده کش کړه د پردې شاته د نبي ګوته وينې شوې وه ،ګلالۍ ورته تړله. نبي وپوښتل چې د پښې په دومره کوچنۍ ګوته کې وينه له کومه کېږي.پرده دار،احمداو فاطمه يې خواته ورغلل. پرده دار وويل چې وينه د انسان د بدن په هډوکو کې جوړه او د زړه په واسطه د بدن ټولو برخو ته په دوراني شکل وېشل کيږي. وروسته پرده دار ماشومانوته په جادويي چشمو کې د انسان د بدن په اسکليټونو کې د ويني دوران وښود. پرده دار وويل چې خواړه لومړی معدی ته ځي، قوت يې په کولمو کې جذب او د يوه رګ پواسطه وينه د انسان ځيګر ته لېږدي. وروسته د زړه ښي دهلېز ته ورداخلېږي او د زړه له هر پمپ سره بېرته له زړه نه د يوه غټ رګ پواسطه سږوته دتصفيې په موخه ورځي. هلته اکسيجن ورسره يوځای او د زړه کيڼ دهلېز ته ورځي او وروسته د زړه له پمپ سره د وينې دوران ته ورشاملېږي.  | | | وينه د انسان د بدن په هډوکو کې جوړه او د زړه په واسطه د بدن ټولو برخو ته وېشل کيږي. |
ماشومانودانسان په بدن کې دوينې د دندې په اړه وپوښتل ، پرده دارپه اسکليټ کې وينه په خبرو راوستله او ويې وويل: " زه ديوشمېرنورودندوترڅنګ د انسان د بدن ټولو غړو ته اکسيجن او غذايي مواد رسوم او د بدن تودوخه ېي په يوه حال ساتم." دنري شمال په لګېدو پرده دار دماشومانوپام دوخت پوره کېدوته ور واړاوه ، پرده يې کش کړه او خپرونه پای ته ورسېده. | 
له دې ځايه واورئ!
داسرارو پرده: د لاس اوپښې ويديدل