طوبی ندا ساپۍ

	عاشقان او عارفان دوه ورونه وو چې د يوه نوم عبدا لصمد اود بل يې عبدالسلام و.

له دې ځايه واورئ!

کله چې جادويي ګاډۍ هواته پورته کيږي ،عبيد دعاشقان اوعارفان د زيارت دځای په اړه پوښتي، ګاډيوانه وايي چې د کابل په زوړه ښار کې دی.

له ګاډۍ نه د ماشومانو نظر پر يوه منار لوېږي او په اړه يې له ګاډيوانه پوښتي،نوموړې هغه ځای دکابل سرچوک سيمه او منار سپاهي ګمنام بولي.

وروسته ګاډۍ د عاشقان اوعارفان زيارت ته څېرمه ښکته کېږي او ماشومان زيارت ته ځي .

هلته ماشومان په دې پوهېږي چې عاشقان او عارفان دوه ورونه وو چې د يوه نوم عبدا لصمد اود بل يې عبدالسلام و .

له زيارت وروسته د عاشقان او عارفان په کوڅه کې د هغې سيمې يو پخوانی اوسېد و نکی محمد انور د مريم ديوې پوښتنې په ځواب کې وويل :

"دا ټوله سيمه د عاشقان او عارفان په نوم يادېږي خو هره کوڅه يې ځانته نوم لري ، دا کوڅه چقرک نوميږي .

	ټوله سيمه دعاشقان او عارفان په نوم ياديږي خو هره کوڅه ځانته نوم لري.

دابن سينا روغتون له شا تر چمن حضوري پورې ٧ باغونه وو او هغه باغ چې عاشقان عارفان کې و د باغ نوروزي په نامه يادېده .

خلک به دې باغونو ته د مېلې لپاره راتلل .د ابن سينا د روغتون ترشا يوه لويه تيږه وه چې بابر شاه به پر هغې کښېناست او د کابل له نندارې به يې خوند اخيست ."

په پای کې ماشومان د عاشقان او عارفان د لېسې تر مخ دلوبو پارک ته ولاړل اوهلته يې له يوشمېر وړو هم دعاشقان اوعارفان په اړه مالومات ترلاسه کړل.