عارفه عمرلور

	هاغه ونې يوبل سره پېوندېږي چې دپاڼو، پوټکي او دتنې غټوالی او لوړوالی يې سره يو ډول وي.

له دې ځايه واورئ!

پرده دار وويل چې د الو په ونه کې يې زردالو پېوند کړی دی او پيوند ونه ژر حاصل ته برابروي.

که دمڼې په يوه پوچکه ونه کې د بلې ښې مڼې پيوند ولګول شي نو بل وار د هابلې مڼې په شان غټې اوخوندورې مڼې نيسي.

زرمينې وپوښتل چې ونې څرنګه پيوند اخلي؟ پرده دار ورته دداود کېسه پيل کړه، داود دوئ دمڼو باغ درلود. يوه ورځ يې وليدل چې د ماماونو يې غټې اوډېرې مڼې نيولې دي.

هغه انديښمن شوځکه چې دوئ يوځای مڼې کېنولې وې خو د دوئ ونو يوه يوه دانه پوچکه مڼه نيولې وه. داود چې خپل باغ ته راغی ګوري چې پلار يې ونې پېوندوي.

له هغه نه يې وپوښتل: "داونې څرنګه پيون نيسي؟" پلار يې د يوه باغوان په مرسته معلومات ورکړل چې ونې د جوزا اوسنبلې په مياشتو کې پېونديږي.

په دې مياشتو کې دونې پوټکی له تنې نه ښه بېليږي. خلک ونې درې ډوله پېوندوي، سکنه يې، پونګ اوساقه يي پيوند. خو له پونګ پېوند نه ډيرکاراخلي.

	بايد پيوند شوی ځای په موم او يا په پلاستيک پټ شي، که نه نو هوا ورسيږي او وچيږي.

پۀ پونګ پيوندکې تنکۍ لښته پېونديږي او پېوند شوی ځای په خپله دونې په پوټکي، يا پلاستيک اويا په موم پټوي. کنه بيا لمر اوشمال يې وچوي اونه لګيږي.

بيا هم د داود پوښتنه ناځوابه پاتې شوه. بله ورځ هغه انديښمن د پېوند شوې ونې په خواکې کيناست چې په دې وخت کې ونې ورته وويل:

"هاغه ونې يوبل سره پېوندېږي چې دپاڼو، پوټکي اومېوې ډول او دتنې غټوالی او لوړوالی يې سره يو ډول وي.

په يوډول هوا او خاوره کې وشي اودننه په ونو کې چې داوبو او خوړو اخېستو کوم کارونه دي په دواړو کې په يوډول تر سره شي.

هماغه ووچې داود پوه شو چې ونې څرنګه پېوند اخلي او زرمينه هم په دې خبره د داود له کېسې نه وپوهېدله.