عارفه عمر لوربشير

	دچاکلېټو موادوته ١٢٠ درجې تودوخه ورکول کيږي ترڅو چاکلېټ تيار شي.

له دې ځايه واورئ

هلته زرغونه، شريف او مرضيه ولاړ وو. ټولوچاکلېټ ته په حيرانۍ کتل. ناڅاپه ورته پوښتنه پيدا شوه چې چاکلېټ له څه شي جوړېږي؟

فهيم او پرده دار نږدې ورغلل، ماشومانو خپله اندېښنه پرده دار ته څرګنده کړه.

دپرده دارد جادويي شپېلۍ په غږولو ټول د هرات دچاکلېټ جوړولو يوې فابريکې ته ورسېدل، او له يوکس نه، چې چاکلېټ يې پخول دچاکلېټوجوړولو په اړه وپوښتل.

هغه وويل: "په چاکلېټو کې وچې شېدې، غوړ، اوبه، بوره او اسانس چې يو ډول جوهر دی ګډوو چی چاکلېټو ته د بېلابېلو ميوو خوند ورکوي.

دچاکلېټو مواد دجوش په وخت کې د مستو په اندازه اوبلن وي چې١٢٠ درجې تودوخه ورکول کيږي او د اېشولو نه وروسته يې په دوه پوړه مېز اچوو چې ساړۀ شي.

	په چاکلېټو کې د پېچکارۍ په مرسته مربا او شات ور داخلوي او بيا يې په ماشين پوښوي.

په لاندې پوړ کې يې اوبه او په لوړ پوړ کې يې د چاکليټو مواد وي.

چې مواد ساړه شول کلکيږي بيا د پېچکارۍ په مرسته په کی مغزيات، مربا او شات ور داخلوو او بيا يې په ماشين پوښوو.

نوموړي وويل: "که له چاکلېټو سره جامدغوړي يوځای شي نو نه کلک او نه ډير نرم راځي خو که غوړي اوبلن وي نو چاکلېټ ډېر نرم وي".

په فابريکه کې څو ګرمخانې دي چې په ژمي کې دچاکلېټواېشول شوي مواد دڅلورو ورځو يا ٩٦ساعتو لپاره ساتي چې کلک نشي.