ناجيه نجات

	ځوانان بايد يوازې د فېلم تفريحي برخې ته پام ونۀ کړي مثبت ټکي يې هم پۀ پا م کې ونيسي.

معروف پۀ هغه کيلي چې لالوماما ورته ورکړې وه د ماڼۍ ورپرانيستۀ، دی او مريمه دواړه سره دننه ماڼۍ ته ننوتل، هلته يې لا لو ما ما پر کتاب لوستلو وليدۀ.

خپرونه له دې ځايه واورئ !

لالو ما ما وويل: " دکتاب پر لوست دومره بوخت وم، چې تاسو مې لۀ ياده وتي وئ". دوی ته يې يوه دريڅه پرانيستله .

خبريال د مطالعي د ګټو پۀ اړه لۀ څوتنوځوانانو څخه وپوښتل: دشېوه کيو اوسېدونکي اسد وويل:" مطالعه کول مې ډېر خوښيږي خو خپل وخت نۀ شم ورته برابرولی" .

زده کوونکې طيبې وويل:" مطالعه کول مې دژوند يوه برخه ده، تردې دمه مې چې هر څۀ زده کړيدي، دا د مطالعي برکت دی".

يو تن دوکاندار فريد وويل:" ښوونځی مې نۀ دی لوستی خو ځيني کتابونه مې لوستلي دي، اوس زۀ دخپل هېواد د تاريخ پۀ اړه ډېر پوهيږم".

	دمطالعې پۀ مرسته د نړۍ د خلکو او دهغوي د ژوند، دود په اړه مالومات تر لاسه کېږي".

خبريال دکابل پۀ عامه کتابتون کې لۀ څو تنو نورو ځوانانو څخه د مطالعې د ګټوپۀ اړه وپوښتل: صفي الله وويل:

" د مطالعې پۀ مرسته انسان پۀ هره برخه کې مالومات تر لاسه کوي". .سارا وويل:" دمطالعې پۀ مرسته کولاې شو د نړۍ دګوټ-ګوټ پۀ اړه، دخلکو او دهغوي د ژوند، دود و دستور په اړه مالومات تر لاسه کړو".

دعامه کتابتون رييس عبدالحميد غني زاده وويل:" ځوانان بايد دمهالوېش پربنسټ د خپلې خوښې کتابونه ولولي، نۀ يواځې کتابتون ، بلکې پۀ هرځای کې دې ولولي". دريڅه وتړل شوه.

معروف وويل:" تاريخي کتابونه مې ډېر خوښيږي". لالو ماما د تاريخي کتابو دګټو پۀ اړه وويل: "د همدغو کتابونو لۀ کيسونه فلمونه جوړېږي،

د فلمونو پۀ مرسته خلک دخپل هېواد او نورو هېوادونولۀ دودودستورخبرېږي". لالو ماما ځوانګيانوته بله دريڅه پرانيستله:

حميدشريف ته وويل:" پرون شپه ني فېلم کې مې يوه صحنه ډېره خوښه شوه، يوۀ تنکي ځوان لۀ يوې معيوبې ښځې سره مرسته وکړه ، سودا يې تر کوره ورسره يوړه".

	د فلمونو پۀ مرسته خلک دخپل هېواد او نورو هېوادونولۀ دودودستورخبرېږي.

شريف وويل:" ما پۀ فېلم کې يو هلک وليدۀ، چې ټوله ورځ يې بې ځايه وخت تېره وه، ښوونځی او درس ترې پاتي و، د همدغه فېلم ليدومې پۀ ژوند کې ډېربدلون راوستۀ".

افغان سينماګر ممنون مقصودي وويل:" ځوانان بايد يوازې د فېلم تفريحي برخې ته پام ونۀ کړي مثبت ټکي يې هم پۀ پام کې ونيسي". دريڅه وتړل شوه.