ارش ننګيال

خپرونه له دې ځايه واوری !

ناببره کومې خوانه ګاډيوانه ترور راغله، ويې ويل:" ما ستاسو خبرې واوريدې، ماته داسې يو هلک مالوم دی، چې پۀ پېنځه شپږو ژبو سندرې وايي.

زه يوۀ وادۀ ته بلل شوې يم، هماغه هلک پۀ کې سندرې وايي ، در ځئ چې ټول و لا ړشو.".ماشومان جادويي ګاډۍ ته ورپورته شول اوروان شول.

ماشومانو پو ښتنې وکړې، چې ددې هلک نوم څه دی ، چېرته اوسيږي، اوپۀ کومو ژبو سندرې وايي؟

	نقيب الله قريشي پۀ پښتو، ازبېکي ، دري ، هندي او ترکمني ژبو سندرې ويلی شي

پۀ پښتو، ازبېکي،دري، هندي او ترکمني ژبو سندرې ويلی شي. ګاډيوانې ګاډۍ،پۀ شبرغان کې د ددولتي هوټل پۀ انګړ کې کښته کړه.

قيس او ملالۍ پۀ هوټل کې وادۀ ته راغلومحمد امين او مريمې نه پوښتنه وکړه:" تاسو نقيب الله قريشي پېژنئ؟مريمې وويل:

" هو پېژنويې، ښۀ سندرغاړی دی." محمد امين وويل:" نقيب الله ډېر ښه ترکمن سندر غاړی دی ." ګاډيوانه او ماشومان د نقيب الله خواته ورغلل، روغبړ يې ورسره وکړ،

ماشومانو ترې پوښتنه وکړه، چې لۀ څه وخت راهيسې سندرې وايي؟ نقيب الله وويل:" دوه نيم کاله به کيږي. پۀ پاکستان کې مې لۀ سندرو سره مينه پيدا شوه ،

بياچې هېواد ته راغلم سندرې ويل مې پيل کړې. اوس کاسيو او آرمونيه وهل مې هم زده کړيدي." ملالۍ پوښتنه وکړه:" د خلکو تر تاثير لاندې نۀ راځئ ؟ نقيب الله وويل:

	دسندرو ويلوترڅنګ ښونځی لولم، د مو سيقۍ تمرين، د کور کارونه ،سپورت او لوبې هم کوم

" پۀ پيل کې ډېرتر تاثير لاندې راتللم، خو بيا وروسته ښۀ شوم ،اول ځل مې يوه هندي سندره وويله ."

له سندروويلوسره سره ، ښونځي او کورسونو ته ورځم، د مو سيقۍ تمرين ،د کور کارونه ،سپورت او لوبې هم کوم."

تر دې ورور سته ګاډيوانې او ماشومانو لۀ نقيب الله نه اجازه واخېسته ولاړل او خپرونه هم پای ته ورسېده.