حميدې د ماه جبينې د نکريزو د شپې د نېژدې کېدو په خاطر چمبه وهله . ګلالۍ ترې وغوښتل چې خپلوانې او ګاونډيانې هم د نکريزو شپې ته راوبولي.

لومړۍ برخه :

ناظر او نسيم له بازاره د واده خرڅ اخيستی و او هغه يې په کراچۍ کې د سرورخان دېرې ته راووړ .

ناظرخپل مخ په هغه رنګ ککړکړی و،چې غوايي يې دواده لپاره تر حلالولومخکې پرې رنګاوه، غفارچې ناظر ولېد، ډېريې وخندل.

دويمه برخه :

فاطمې په چينه کې ګلمکۍ اوښاپېرۍ ته وويل چې د اېډز دارو ورته ګټه رسولې او اوس کولای شي په اوبو پسې راشي .

شفيقه اندېښمنه وه چې کيدای شي د اوبو راوړل فاطمې ته زيان ورسوي او ترې ويې غوښتل چې که د کور کارونه يې ستړې کوي ، دې ته دې وايي.

درېيمه برخه :

	ګلالۍ له حميدې وغوښتل چې خپلوانې او ګاونډيانې هم د نکريزو شپې ته راوبولي.

شکريې سمېع اله ته هغه پيسې وسپارلې چې له فتح خان څخه يې اخيستې وې او ورته يې وويل چې له عابدې څخه د هنډواڼو په اخيستو کې دپام وکړي .

سمېع اله پالېز ته ننوتی و ، عابدې پرې د هنډواڼو د غله ګمان وکړ او لوټه يې پرې وار کړه .