عارف رحيمي

	که چېرې له ټپيانوسره په سمه توګه لومړنۍ مرستې وشي، دهغوی دمرګ مخنيوی کيږي.

له دې ځايه واورﺉ!

دکابل ښارديوه اوسېدونکي، حميد الله يوه پښه دماين دچاودنې له امله له لاسه ورکړه او بله يې په ټوکر دسخت تړلوله امله ډاکترانوپرې کړه.

ځينې خلک ددې ډول ناروغانوکورنۍ درملنې هم کوي، خودکابل په ايمريجنسي روغتون کې م دجراحۍ دڅانګې موظف ډاکترشکورسردار وويل:

"کورنۍ اوپخپل سر درملنې دګټې پر ځای زيان رسوي اوټپي کسان له نورو ناروغيو سره لاس او ګرېوان کوي."

روغتيايي کارپوهان لارښوونه کوي، هغه ټپيان، چې له لاسونواوپښويې وينه ځي، له ټپ نه (۵) يا(۱۰) سانتي متره پورته دې په پاک ټوکر وتړل شي.

دا ټپ دې تر هرو دېرشو دقيقو وروسته يوخل پرانيستل شي، چې وينه دبدن نوروغړوته جريان پيدااو غړی له پرې کېدو وژغورل شي.

هغه ټپيان، چې غاړه يا مرۍ يې ټپي وي ، تړل يې ناشوني دي، داسې کسان بايدپه لومړي ګام کې په پاک ټوکر پانسمان شي.

	هغه ټپيان، چې وينه ترې ځي، له ټپ نه (۵) يا(۱۰) سانتي متره پورته دې په پاک ټوکر وتړل شي.

که چېرې ټپ په سر، نس يا دشاپه برخه کې وي، لومړی دې ټپ په پاک ټوکرپټۍ پرې ولګول شي بيا دې هماغه شان وتړل شي.

پدې توګه که چېرې له هغوټپيانوسره، چې وينې ترې روانې وي، لومړنۍ مرستې په ښه توګه ترسره شي، ٪۹۰ دهغوی دمرګ او معيوبيت نه مخنيوی کيږي.