ژباړن: عارف رحيمي

	دمياشتني عادت په موده کې له کوټکس يابل پاک ټوکر څخه کار واخيستل شي.

له دې ځايه واورﺉ!

د مياشتني عادت دمودې اوږدېدل يا لنډېدل يوشمېر ښځوته روغتيايي ستونزې هم پيدا کوي.

د فوزيې، دکابل ښار يوې اوسېدونکې ته په هره مياشت کې دوه ځلې مياشتنی عادت پيدا کيږي، چې له امله يې له کم خونۍ سره مخ ده.

روغتيايي کارپوهان ددې ستونزې لاملونه په رحم کې مرغيړي اوګزکونه پيداکېدل، داميدوارۍ ضد دارو اودهورمونونوتغييربولي.

دکابل په يوه شخصي روغتون موظفې ډاکترې فريدې زمانې د مياشتني عادت د بې نظمې په درملنه کې ځنډ خطرناک وباله.

هغې وويل، چې که چېرې دمېرمنوله رحم څخه غېرعادي وينه ځي، ملا، نس او پښې يې درد ولري، بايد پرته له ځنډنه دهغې په درملنه لاس پورې کړي.

ددې ناروغۍ په درملنه کې ځنډ او بې پروايي مېرمنې دوينې له کموالي، په رحم کې دتوموردپيداکېدو او همېشني شنډوالي سره مخ کوي.

	که په مياشتني عادت کې غېرعادي وينه ځي او دردونه ورسره مله وي، ډاکتر ته دې مراجعه وشي.

ددې روغتيايي ستونزې پرمهال دې وسپنه لرونکي خواړه لکه: پالک. شيدې ، مستې او تازه ميوه وخوړله شي.

ددې لپاره، چې مېرمنې له دې راز ستونزو سره مخ نه شي، غوره ده، چې دمياشتني عادت په موده کې له کوټکس يا بل پاک ټوکر څخه کار واخلي.