ليدا ساپۍ د بي بي سي دتعليمي خپرونو له لړۍ څخه

	مېندوته ښايي، چې داميدوارۍ په موده کې دخپلسرو دارو له خوړلو په کلکه ډډه وکړي.

له دې ځايه واورئ!

کله ناکله يوشمېر کسان دزړه له ناروغيو کړيږي، چې يوه له دې راز ناروغيونه د زړه سوري کيدل دي.

دا ناروغي زياتره په ماشومانو کې پېدا کيږي چې نن سبا په افغانستان کې هم داستونزه ډېره شوې ده.

روغتيايي کارپوهان وايي، چې په ماشومانو کې د زړه د سوري کيدو ستونزه د ولادت سره سمه را منځته کېږي.

که چېرې ددې ناروغۍ په خپل وخت مخنيوی او درملنه ونشي، د ماشوم دمړينې لامل هم کيږي.

هغه ماشومان، چې زړه يې سوري وي، دخپل عمر په پرتله يې وزن کم وي ، د ګوتو او شونډو خوا او شا يې شنې اوړي.

پدې راز ناروغو ماشومانو کله ناکله د بې هوښۍ حمله هم راځي، ساه يې بنديږي او د نورو ماشومانو په پرتله د سينه او بغل يا سکاروي ناروغۍ ډېر اخته کيږي.

	هغه ماشومان، چې زړه يې سوري وي، وزن يې کم، د ګوتو او شونډو خوا او شا يې شنه اوړي.

ددې ناروغۍ يو لامل هم د اوميدوارۍ په موده کې د مېندو له خوا په خپل سر د درملو خوړل دي .

که چيرې مېندې د اميدوارۍ په موده کې خپلو خوړو ته پاملرنه وکړي او په منظمه توګه ډاکترته ورشي، ماشوم به يې تر ډېره بريده له دې راز ګواښونوپه امن کې وي.