شريف الله دبي بي سي دتعليمي خپرونوله لړۍ څخه

	موټر چلوونکي دې خپلې موټرې پداسې ځای کې ودروي، چې خلکوته ستونزې پېښې نکړي.

له دې ځايه واورئ!

همدا رازيوشمېرکسان موټرې دسړکونو پر سر دمينځلو لپاره دروي، چې داکار ښاريان او ترڅنګ يې دموټرو مالکان هم له ستونزو سره مخ کوي.

عبدالصبور دکابل ښار ديوه موټر چلوونکي موټر ترافيکودبې ځايه پارکنګ له امله پنچر او دهمدی ښار ديوه بل اوسېدونکي موټرترافيکو بېولی و.

ددې کار لامل دکابل ښار يوه موټرچلوونکي دښار په نېږدې سيموکې دموټر شويۍ نشتوالی په ګوته کړ، خو ددې ستونزو دحل لار څه ده؟

ځينې کسان دسړک پر سر دموټر ددرولوپه صورت کې خپله دمبايل شمېره هم دشيشې ترشا نښلوي، چې داړتيا پرمهال ورسره اړيکه ټينګه شي.

	په ښار کې دموټرو ګڼه ګوڼه او دسړکونوتنګوالی موټرچلوونکي دموټربېځايه درېدوته اړباسي.

داچې له يوې خوا دښار سړکونه کوچني او له بلې خوا دموټروګڼه ګوڼه ډېره وي، د سړک پرسر دموټرو درول د اوږدې مودې لپاره د لارې دبندېدو لامل هم کيږي.

غوره ده، چې موټر چلوونکي دخلکو ستونزو ته په کتوسره خپلې موټرې پداسې ځای کې ودروي، چې له يوې خوادسړک دبندېدو لامل نشي او له بله پلوه خلکوته ستونزې پېښې نکړي.