شمشاد عمرشينواری

	په غوړو لاسونوپيسې اخيستل اودپيسودکاغذ‌ خرابوالی هم دپيسو په زړښت اغېز لري.

له دې ځايه واورئ!

په ډېری هېوادونو کې خلک هڅه کوي، چې پيسې يې ژر له منځه ولاړې نشي، خو په افغانستان کې يوشمېرکسان دپيسوښه ساتنه نه کوي.

عبدالجلال د پکتيا ولايت اوسېدنکي وويل چې يوشمېرافغانان بهرني اسعارښه ساتي،خو دخپل هېواد پيسې ورته بې ارزښته ښکاري.

دوی په بانک نوټونوباندې ليکنې کوي، په ډېرې بې احتياطۍ يې په جېب کې ږدي ، چې پدې ترتيب پيسې ژر زړې او له کارنه غورځي.

همدا راز په غوړو او لمدو لاسونوپيسې اخيستل اودپيسودکاغذ‌ خرابوالی هم دپيسو په ژر زړښت اغېز لري.

د کابل پوهنتون د اقتصاد پوهنځي استاد سيدمحمدپه اند دپيسوژرزړښت دوهم ځل چاپ ته اړتيا پيداکوي، چې داکار دولت ته اقتصادي ضربه ورکوي.

	يوشمېرخلک بهرني اسعارښه ساتي،خو دخپل هېواد پيسې ورته بې ارزښته ښکاري.

ددې ترڅنګ دپيسو زړښت دهغې ظاهري بڼه خرابوي، چې پدې توګه يې ارزښت کم او ورو، ورو له منځه ځي.

ددې لپاره چې پيسې ژر خرابې او له منځه ولاړې نشي،د هېواد هر وګړی يې بايد په ساتنه کې ځانګړې پاملرنه ولري.

کورنيوته هم ښايي ماشومان وپوهوي چې بانک نوټونه زموږ ګډه شتمني ده، هغه دې ښې وساتي.